Foto: Syrtqy ister mınıstrligi
«Hyundae Hospital» kompanııasynyń basshylyǵymen ótken jıynda Almaty oblysynda 200 oryndyq kóp beıindi aýrýhana salý jobasy talqylandy, ony qazaqstandyq «Shın-Laın» kompanııasymen birlesip iske asyrý josparlanyp jatyr. M. Nurtileý bul jobanyń Qazaqstannyń áleýmettik salasy úshin mańyzdylyǵyna nazar aýdaryp, aýrýhana qurylysy koreı modeli boıynsha medısınalyq qyzmetter júıesin jaqsartatynyn jáne ozyq tehnologııalardy qoldanýdy qamtamasyz etetinin atap ótti.
Al «With You E&C» kompanııasynyń ókilderimen 2060 jylǵa qaraı Qazaqstannyń kómirtegi beıtaraptyǵyna qol jetkizý jolyndaǵy mańyzdy qadam bolatyn Qyzylorda oblysynda qoqys óńdeý zaýytynyń qurylysyna qatysty máseleler talqylandy. Zaýyt ekologııalyq jaǵdaıdy jaqsartýǵa jáne aımaq ekonomıkasynyń turaqty damýyna yqpal etetin bolady. Kompanııa sondaı-aq jobany keńeıtýge jáne Qazaqstannyń basqa oblystarynda uqsas zaýyttar qurýǵa daıyn ekenin jetkizdi.
«Sejong» jáne «Seoyon E-HWA» kompanııalarynyń basshylarymen kezdesý barysynda Qostanaı oblysynda avtokomponentter óndirýge sáıkes jobalar talqylandy. Koreı áriptesteri Qazaqstan ekonomıkasyna ınvestısııa salýǵa joǵary qyzyǵýshylyq tanytyp, jańa tehnologııalardy tabysty ıgerý úshin jergilikti kadrlardy oqytýǵa daıyn ekenin aıtty.
