Foto: clrt.kz
LRT poıyzdary tolyǵymen avtomattandyrylyp, pılotsyz basqarylady.
Sondyqtan, operatorlarǵa mynadaı mindetter qoıylady:
- jolaýshylardyń qaýipsizdigin jáne poıyzdyń tehnıkalyq jaǵdaıyn, barlyq qaýipsizdik normalarynyń saqtalýyn qadaǵalaý;
- avtomattandyrylǵan basqarý júıesiniń jumysyn úzdiksiz baqylaý, aqaýlardy anyqtaý jáne joıý;
- vagondardaǵy elektrli jylytý men jeldetýdi saqtaý, jolaýshylardy otyrǵyzyp, túsirý tártibin retteý, jyljymaly quramnyń úzdiksiz jumysyn qamtamasyz etý boıynsha basqa da jumystardy atqarý.
Kompanııa óz tarapynan QR Eńbek kodeksine sáıkes resmı jumysqa ornalastyrýǵa múddeli bolady.
Jumys berýshiniń esebinen biliktilikti arttyrý, oqytý kýrstary ótedi. Oqytý nátıjesinde LRT-ny basqarý ruqsatyn kýálandyratyn halyqaralyq úlgidegi sertıfıkat beriledi.
«Oqý merzimi 1 jylǵa deıin. Oqytý Astana q./QHR jumys berýshiniń esebinen júrgiziledi. Qyzmetkerler Qazaqstan Respýblıkasynyń azamattarynan quralady.
Maqsat – mamandandyrylǵan kompanııany jumysqa tartpaı LRT júıelerin paıdalaný, tehnıkalyq qyzmet kórsetý jáne jóndeý daǵdylaryn úıretý (aǵymdaǵy jáne kúrdeli jóndeý)», delingen kompanııa habarlamasynda.
Úmitkerlerge lokomotıv mashınısi laýazymynda keminde 3 jyl, lokomotıv mashınısiniń kómekshisi retinde keminde 5 jyl temir jol kóligi salasyndaǵy joǵary bilimi men jumys tájirıbesi bolýy kerek degen talap qoıylyp otyr.
Túıindeme CTS resmı saıty https://cts.gov.kz/ru arqyly qabyldanady.
Suraqtar boıynsha telefon nómiri: Astana q. +7 (7172) 577 177 (ishki 102)
