Ajar «Pýta» nysanasynyń fınaldyq kezeńinde Qyrǵyzstan men Reseıdiń quralaıdy kózge atqan sportshylarynan ozyp shyqty. Ajardyń atqan jebeleri ondyqqa dóp tıip jatty.
Dúbirli dodaǵa Qazaqstan ulttyq qurama komandasynyń músheleri, elimizdiń 20 óńirinen, 12 memleketten (Taıland, О́zbekstan, Qyrǵyzstan, Reseı, Fransııa, Ázerbaıjan, Iran, Mońǵolııa, Tájikstan, Túrkııa, AQSh, Úndistan) kelgen 108 sportshy qatysty.
Ajardyń jeńisine qýanǵan jerlesteri jeńimpazdy áýejaıdan kútip alyp, qurmet kórsetti. Shashý shashyldy, aqyndar arnaý aıtty. Altyn alqa taqqan surmergen kórsetilgen qurmetke rızashylyǵyn bildirdi.
– Jarys tartysty ótti. Jartylaı fınalda qarsylaspen eki ret teń túsip, úshinshisinde bir-bir jebeden jiberdik. Baq shapty ma, bap shapty ma, fınalǵa joldama alyp, jeńis tuǵyryna kóterildim. Qoldaǵan barlyq týǵan-týystaryma, joldastaryma, jerlesterime alǵys aıtamyn, – dedi mergen qyz.
Keshegi kúni babalarymyz jaýǵa atqan jebeni búgin sánge atyp, ulttyq sportty damytyp júrgen azamattar az emes. Alaıda osynaý bekzat ónerdi Shyǵysqa alyp kelgen Ajar desek, artyq aıtpaǵanymyz. Ol eń alǵash mergender mektebin ashyp, oqýshylardy jattyqtyrdy. Keıinnen eresekter sadaq tarta bastady. Búginde bul sport túri Shyǵysta jaqsy damyp kele jatyr.
Shyǵys Qazaqstan oblysy
