Sýret: qaz.ulysmedia.kz
Oblys ákimi Serik Shápkenovtiń aıtýynsha, Eýroodaq elderimen jasalǵan seriktestik pen yntymaqtastyq qanat jaıyp keledi.
«О́ńirimizde Eýroodaq elderimen kópqyrly yntymaqtastyqty keńeıtýdiń múmkindigi mol. Sebebi Atyraý oblysynyń geografııalyq ornalasýy ózara tıimdi kooperasııany keńeıtýge, saýda-ekonomıkalyq, munaı-gaz, kólik-logıstıka salasyna qolaıly. О́ńirdegi ınvestısııalyq turaqtylyqtyń aıǵaǵy – eýropalyq 259 kásipker isin dóńgeletip otyr», dedi S.Shápkenov.
Munaıly óńirge alǵash kelgen Eýropalyq odaqtyń Qazaqstandaǵy elshisi Aleshka Sımkıchtiń aıtýynsha, Atyraý oblysymen saýda-ekonomıkalyq qarym-qatynasty arttyrý maqsatynda transport salasyna nazar aýdarý qajet. О́ıtkeni Eýroodaq elderindegi taýar aınalymynyń 90 paıyzy munaı-gaz sektorymen tyǵyz baılanysty.
«Ásirese teńiz portymen júk tasymalynyń múmkindigin bilgim keledi. Sebebi bizdiń osyǵan baılanysty arnaıy jobamyz bar», deıdi Aleshka Sımkıch.
Bıyl qańtar-tamyz aılarynda negizgi kapıtalǵa 1 303,1 mlrd teńgeniń ınvestısııasy salynǵan. Byltyr osy kezeńdegi ınvestısııa kólemi 1 785,6 mlrd teńge bolǵan edi. Demek, bıylǵy ınvestısııa 482,5 mlrd teńgege azaıǵan. Munyń sebebin oblystyq Kásipkerlik jáne ónerkásip basqarmasynyń basshysy Polymbet Hasanov bir ǵana derekpen túsindirdi.
«Jylyoı aýdanynda ornalasqan «Teńiz» ken ornynda birneshe jyldan beri keleshek keńeıý jobasy iske asyrylyp jatyr. Joba qurylysyn júrgizýge elimizdiń ár óńiriniń turǵyndary jumysqa tartylǵan. Joba qurylysy aıaqtalýǵa taıady. Osyǵan baılanysty jobaǵa sheteldik ınvestormen birlesken kásiporyn aksıonerleriniń kelisimimen bólingen ınvestısııalyq qarjynyń kólemi azaıdy», dedi P.Hasanov.
Atyraý oblysy
