Foto: ult.kz
Kórmeniń basty ıdeıasy – óńirlerdegi bilim oshaqtarynyń jańa tehnologııalardy ıgerýin, básekege umtylysyn, eldimekenniń damýyna tıgizgen áseri men jergilikti turǵyndardyń bolmysy men kúndelikti tirshiligin aıshyqtaıdy.
Fotokórme «ÓzgeEpic» kreatıv habynyń bastamasymen jáne uıymdastyrýymen jáne Bilim berý salasyn turaqty damytý qory (furo.kz) qoldaýymen júzege asty. Atap óterligi, Bilim berý salasyn turaqty damytý qory elimizde aýyl men qala mektepterindegi bilim sapasy teńsizdigin azaıtýǵa baǵyttalǵan jobalardy iske asyrady.
Joba kýratory – Toǵjan Qurmanjanqyzy. Jobaǵa tanymal fotosýretshiler Áıgerim Begimbet jáne Sábına Ábdimálik shaqyryldy.
Áıgerim Begimbet – jýrnalıst ári fotosýretshi. «100 jańa esim» jobasynyń jeńimpazy. «Úrker» ulttyq syılyǵynyń laýreaty. «Tirshilik», «Túrkistan áıelderi» fotokórmeleriniń avtory.
Sábına Ábdimálik – sýretshi-fotograf. Fotojumystary Almaty, Atyraý, Astana qalalarynda qoıylǵan. Sonymen birge «Túste» jeke fotokórmesi ótken. Fotoónermen qatar, derekti fılmder túsirýmen aınalysady.
Kórme barysynda fotosýretshiler shyǵarmashylyq oılaryn ortaǵa salyp, kórmeniń birneshe keıipkerin tanystyrady. «Aýyl mektebi» – shalǵaıdaǵy bilim berý mekemeleriniń zııatkerlik áleýetin kópshilikke tanytýǵa, sondaı-aq aýyl mektepteri men oqýshylarynyń damýyna jańa serpin beretin biregeı shyǵarmashylyq joba.
О́tetin orny: «ÓzgeEpic» kreatıv haby, Astana qalasy, Beıbarys Sultan kóshesi, 12A. О́tetin ýaqyty: 7 qarasha, 16:00. +7 705 121 4689
