Foto: Instagram / gennadiishipovskikh
Onyń aıtýynsha, balalar úıinen shyqqan jasóspirimder ómirde óz ornyn taýyp, aıaqqa turyp ketkenshe memleket tarapynan qoldaý tıisti dárejede kórsetilý kerek. Sondaı-aq depýtat elimizde jetim balalardyń basym bóligi baspanaly bola almaı júrgenin atap ótti.
«О́nerkásip jáne qurylys mınıstrligi jetim jáne ata-anasynyń qamqorlyǵynsyz qalǵan balalarǵa baspana alýǵa arnalǵan túrli memlekettik baǵdarlamalarmen jeńildikter qarastyrylǵany týraly aqparat berip jatyr. Alaıda, 2022 jyly shekti jasqa tolǵan jetim balalardyń 61 471-i memlekettik turǵyn úı qorynda kezekte tursa, onyń 852-si ǵana baspanaly bolǵan. Dál solaı, 2023 jyly kezekte turǵan 62 290 azamattyń 809-y ǵana baspanaǵa qol jetkizgen», deıdi depýtat.
Sonymen qatar Gennadıı Shıpovskıh jetim balalardyń sapaly oqý oryndaryna túsý men jumysqa ornalasý máselesin tilge tıek etti.
«Bul ýaqytta jetim balalardyń kolledjder men joǵary oqý oryndaryna túsýi úshin bólinetin grant kvotasyn kóbeıtý manyzdy. Alaıda, bul arada sheshýshi ári mańyzdy ról atqaratyn másele – jumyspen qamtýdyń sheshimin tabý. О́kinishke qaraı, búgingi kúni orta mektepti bitirgen jetim balalardyń jumysqa ornalasý kórsetkishi kóńil kónshitpeıdi», deıdi ol.
Atalǵan máselelerdi eskere otyryp, depýtat kelesi usynystaryn ortaǵa saldy:
- shekti jasqa jetken jetim balalardyń baspana kezeginiń birneshe jyldarǵa sozylyp ketýine baılanysty arnaıy baspana baǵdarlamasyn ázirlep, jumys algorıtmin usyný;
- jastaıynan taǵdyrdyń tálkegine túsken jetimderge oqý ornynan keıingi arnaıy jumyspen qamtý baǵdarlamasyn ázirleý.
«Taǵdyr tálkegine tap bolǵan tastandy jáne jetim balalardyń jaı-kúıi barshamyzdy beıjaı qaldyrmaıdy dep senemin», dep sózin túıindedi depýtat.
