Ulttyq kıim úlgileri – jurtshylyqtyń kóz qýanyshy

Mádenı is-shara aıasynda kórme ótip, oǵan jergilikti qolóner sheberleri men dızaınerleri daıyndaǵan ulttyq kıimder men zergerlik buıymdar úlgi­leri qoıyldy. Sondaı-aq etno­stıldik, zamanaýı sándik kıim úlgileriniń kórsetilimi boldy. Erekshe sánmen tigilgen kıimder jıyntyǵy kópshilikke qatty unady. Eń bastysy, jergilikti dızaınerler kórsetilim arqyly jınalǵan jurtshylyq yqylasyn ózderine aýdara bildi.

Ulttyq qundylyqtardy, má­denıetti dáripteý maqsatyn kózdegen shyraıly sharaǵa Shym­kent qalasy ishki saıasat jáne jastar isteri jónindegi basqar­masynyń basshysy Aıgerim Jumaǵulova qatysty. Sala basshysy quttyqtaý sózinde ult mádenıeti men ulttyq qun­dy­lyqtardy talmaı nasıhattap júrgen qolóner sheberlerine kópshilik atynan úlken alǵys bildirdi.

«Shymkentte ulttyq kıim úlgilerin tigetin, qazaqtyń oıý-órnegimen zergerlik buıym­dar jasaıtyn qolóner sheber­leri jeterlik. Olarǵa búgingi tańda keregi – qoldaý men nasıhat. О́nerli jandar jasap jat­qan isterine kóńil bólgendi, eńbekteriniń laıyqty baǵasyn alǵandy qalaıdy. Bizdiń maq­satymyz – osyndaı ismerlik, qol­ónershilik ónermen aınalysatyn erekshe jandardyń jumystaryn, dúnıelerin elge tanystyryp, jurtshylyqqa jarııa­laý. Shym­kenttik sheberlerdiń, sýret­shi-dızaınerlerdiń týyndylary talaıdan beri kóptiń aýzyna iligip, tańdaılaryn qaqtyryp júr. Endigi rette osylardy dá­ripteýimiz kerek. Jergilikti halyq óz ónerpazdaryn maqtap, qoldaý bildirmese olardy kim na­sıhattaıdy, olarǵa kim de­meýshilik tanytady. Búgingi tańda jalpyulttyq birlik pen tatýlyq qundylyqtary el ishinde birinshi orynǵa shyqty. Yntymaq bar jerde bári de bolady. Elimizdiń jetistigi sol yntymaq pen birlik jemisi. Qazir álem dúrligip tur. Shıelenisterdiń basty sebebiniń biri qoǵamdaǵy birlik pen tatýlyqtyń joqtyǵy. Qudaıǵa shúkir, elimiz dostyq pen yntymaqtyń arqasynda gúldenip, jurt qyzyǵa qaraıtyndaı dá­rejege jetti. Endi osy baı­ly­ǵymyzdy saqtaý – bizderge paryz», dedi basqarma basshysy A.Jumaǵulova.

Festıval barysynda О́­z­bekáli Jánibekov atyndaǵy Ońtústik Qazaqstan memlekettik pedagogıkalyq ýnıversıteti janyndaǵy «Aq baıan» sán tea­try qazaqtyń ulttyq kıim­de­riniń etnostıldik, zamanaýı úlgileriniń toptamasyn kórsetti. Sonymen birge jurt A.Ismaılov atyndaǵy kásiptik kolledjdiń sándik kıimderin tamashalady. Odan bólek jınalǵan qaýym G.Espaı jetekshilik etetin «Arý analardyń» kıim úlgilerin ba­ǵalady. Sándik kórsetilim barysynda №5 Jeńil ónerkásip jáne servıs kolledjiniń dızaıyndyq óner buıymdary da kópshilik kóńilinen shyqty. Ásirese Á.Qas­teev atyndaǵy óner jáne dızaın kolledjiniń «Asyl mura» toptamasy qonaqtardy erekshe áserge bóledi. Talǵamy bıik óner súıer qaýym sándik kıimder kórse­tiliminde B.Jetibaeva je­tek­shilik etetin «Asyl mura» top­tamasyna da aıryqsha il­tıpat tanytty. Munan bólek, festıvalde Ortalyq Azııa ın­novasııalyq ýnıversıtetiniń «Sán» toptamasyndaǵy tamasha kıim úlgileri jurtshylyq nazaryna usynyldy.

Sonymen is-shara qory­tyn­dysynda kásibı mamandar­dan jasaqtalǵan qazylar alqasy О́.Jánibekov atyndaǵy OQMPÝ janyndaǵy «Aq baıan» sán teatry men Bıbihadısha Jetibaeva basqaratyn «Asyl mura» toby­nyń sándik kıimder toptamasyn úzdik dep tanydy. Barlyq qa­tysýshylarǵa arnaıy dıplomdar men baǵaly syı­lyq­tar tapsyryldy.

Aıta ketý kerek, atalǵan is-shara Qazaqstan halqy Assam­bleıasynyń «Qazaqtaný» jobasy aıasynda qolǵa alyndy. О́skeleń urpaqty ulttyq rýhta tárbıeleý men ulttyq qundylyqtardy nasıhattaý maqsatynda Assambleıa tarapynan osy sekildi kóptegen mádenı jobalar júzege asyrylyp keledi. Sonyń biri re­tinde bıyl kúzde ótken «Qazaq dastarqany» festıvalin atap ótýge bolady.

Shymkenttiń etnomádenı birles­tik músheleriniń aıtýynsha, qazaqtyń salt-dástúri men ádet-ǵurpyn elimizde ómir súrip jatqan barsha halyq bilýi tıis. Tek bilip qana qoımaı, sonymen birge shynaıy ómirde de olardy qoldanýǵa tyrysý qa­jet. Máselen, búgingi festı­valdi alsaq, jurtty erekshe qy­zyqtyrǵan etnostıldegi kıim­der tek sán kórsetiliminde ǵana tamashalanbaı, elimizdiń árbir azamaty ulttyq naqysh­taǵy mundaı kıimderdi kúnde­likti tirshilikte de kıip júrse qandaı jarasymdy bolar edi.

ShYMKENT