Janashyr robot

Otqa salsań, janbaıdy. 2019 jyly Parıjdegi Notr-Dam soborynda úlken órt shyqqan kezde, fransýz órt sóndirýshileri qaýipti aı­maq­tarǵa kire almaı qaldy. Olar­dyń ornyna «Colossus» atty arnaıy jasalǵan órt són­dirýshi robot ter tókti. Ol 3000 lıtr sýdy 1 mınýtta jet­kizýge qabiletti edi. Ári jylýdan qorǵanatyn mate­rıalmen qaptalǵan, bul oǵan joǵary temperatýraly aı­maq­tarda erkin júrýge kómek­te­sedi. Osy robottyń arqa­syn­da órt sóndirýshilerge qaýipti aý­­­maq­tan shyǵyp, syrt­ta ju­mys isteýge jaǵdaı jasa­lyp, olar­­dyń ómirine qaýip tóngen joq.

Sýǵa salsań, batpaıdy.­ Grekııa jaǵalaýynda bos­­­qyn­dar sýǵa batqan kezde «EMILY» roboty baryn sal­dy. Robot-qaıyq 37 km/saǵ jyldamdyqpen júzip, jany muryn ushyna kelgen ha­lyqqa jedel járdem kórsetti. 2016 jyly 10 kún ishinde 240-tan astam adamdy qutqaryp, qaýipsiz jerge jetkizdi. Onyń eki jaqty baılanys júıesi áleýetin arttyra túsedi. Qutqa­rýshylar men sýdaǵy adamdardy ońaı baılanys­ty­rady.

Jer silkinse, kómek­te­sedi. 2017 jyly Meksıkada bolǵan jer silkinisinen keıin, úıindi astynda qalǵandar­dy izdeýge Karnegı-Mel­lon ýnıversıteti ázirlegen «Snakebot» jylan-robot qoldanyldy. Bul robot jylan sııaqty qımyl­dap, tar ári qaýipti jerler­ge enedi. Kamerasy bar qul­temir qut­­qarýshylarǵa jer as­ty­nyń astan-kesteńiniń bárin kór­setedi. Solaı vızýaldy má­limetter arqyly, zardap shek­ken adamdar tez tabylady.

Kerek kezde samǵaıdy. «Zipline» kompanııasynyń dron­dary qıyr-qıyr jerlerge me­dısınalyq kerek-jaraq­tar­­dy jetkizýge arnalǵan. 2014 jyldan beri Afrıkada, onyń ishinde Rýandada kóp qol­danylyp keledi. Qan, vaksı­na, dári-dármekterdi dereý aparyp, qansha adamnyń betin be­ri qaratty. Mysaly, 2016 jy­ly alǵashqy medısı­na­ly­q­ júktemelerdi tasyp, 150 000-nan astam emdelýshige kómektesti.