Ǵylymı sharada Qazaqstandaǵy tuńǵysh farabıtanýshy Aqjan Ál-Mashanıge arnalǵan murajaı saltanatty túrde ashyldy.
Oǵan QR Parlamenti Senaty men Parlament Májilisiniń depýtattary, Qazaqstannyń Halyq jazýshysy, memleket jáne qoǵam qaıratkeri Oljas Omaruly Súleımenov, qazaqtan shyqqan tuńǵysh ǵaryshker, ushqysh, Keńes Odaǵynyń Batyry, Halyq qaharmany Toqtar Ońǵarbaıuly Áýbákirov, Iran Islam Respýblıkasynyń Qazaqstan Respýblıkasyndaǵy elshiliginiń mádenı isteri jónindegi keńesshisi Álı Akbar Talebı Matın arnaıy shaqyrylyp, ǵulama ǵalymnyń ómir arnasynan syr shertetin taǵylymǵa toly ǵumyryn nasıhattap, qundy esteliktermen bólisti.
«Aqjan Ál-Mashanıdiń eńbekterin áli de nasıhattaýymyz qajet. Aldaǵy jyly ǵalymnyń 120 jyldyq mereıtoıy atalyp ótedi. Ony keń aýqymda uıymdastyryp, jas ǵalymdardy tárbıeleýge yqpal etýimiz qajet», dedi qoljazbalar jáne sırek kitaptar ulttyq ortalyǵynyń dırektory Jandos Bekdildauly.
Is-sharaǵa Aqjan Jaqsybekulynyń urpaqtary qatysyp, qundy aqparattarmen bólisti. Eki bólimnen turatyn jıynda «Mashanıtaný» oqýlaryn jyl saıyn ótkizýdi rásimge aınaldyrý, Aqjan Ál-Mashanıdyń qalamynan týyndaǵan 23 qoljazbany jańa teorııalyq-metodologııalyq turǵyda zerttep, ǵylymı eńbekter daıyndaý, Aqjan Ál-Mashanı atyndaǵy №92 mektep-lıseıiniń úzdik oqýshylaryna «Tuńǵysh farabıtanýshy-ǵalym Aqjan ál-Mashanı» atyndaǵy shákirtaqyny taǵaıyndaý, mektep baǵdarlamasyna 5 – 11 synyptarǵa arnalǵan «Mashanıtaný» tańdaý pánin engizý sııaqty usynystar aıtyldy.
Aıta keteıik, alǵash ret ǵalymnyń aty berilgen №92 mektep-lıseıinde jas ǵalymdar kóbeıip kele jatqany kópshilikti tánti etti.
