Bas júlde – «Jaqsylyq jalǵasynda»

Rejısser Aqmaral Batalova túsirgen jáne «SEZAR films» prodıýserlik ortalyǵy usyn­ǵan «Jaqsylyq jalǵasy» derekti fılmi Úndis­tanda ótken «NFF – Nawada Film Festival» halyqaralyq kıno­festıvalinde jeńim­paz atandy.

Fılm jer silkinisinen zardap shekken Sırııa halqyna qazaq eliniń gýmanıtarlyq kómek kórsetýi týraly baıandaıdy.

Derekti týyndy «Úzdik derekti fılm» jáne «Úzdik áleýmettik fılm» ata­lymdarynda jeńiske je­tip, 84 elden qatysqan 1800-den astam fılmniń arasynan ozyp shyq­ty. Sonymen qatar bul fılm festı­val­dyń bas júldesine de laıyq dep ta­nyldy.

Byltyr «ál-Farabı álem­dik mu­rasy» jáne «Asar Ýme» qaıyrym­dy­lyq qorlarynyń bastamasymen Qa­zaq­stan halqy Sırııaǵa 100 ton­na gý­manıtarlyq kómek jetkizdi. Qaıy­rym­dylyq aksııa­sy barysynda Latakııa ja­ǵa­laýynda, Damask qalasyndaǵy Ál-Fa­rabı mádenı ortalyǵynda, sondaı-aq Hmeımımdegi reseılik áskerı bazada kıiz úıler ornatyldy. Sol qazaqy aq otaýlarda zardap shekken adamdarǵa qaıyrymdylyq is-sharalary jasaldy.

Atalǵan fılm Qazaqstan halqynyń janashyrlyq pen yntymaqtastyq jáne qaıyrymdylyq qasıetteriniń jaqsy úlgisin búkil álemge pash etti.