Innovasııalyq damý joly

Keshe Ortalyq kommýnıkasııalar qyzmetinde «Tehnologııalyq damý jónindegi ulttyq agenttigi» AQ tóraǵa­sy­nyń orynbasary О́mirjan Táshimov baspasóz máslıhatyn ótkizdi. Onda memlekettiń ınnovasııany qoldaý sharalary sóz boldy. Memleket basshysy halyqqa birinshi kezekte ındýstrııaly el jáne ınnovasııalyq ult bolyp qalyptasý mindetin júktegeli de tórt-bes jyldyń júzi ótti. Bul maqsatqa jetý úshin kóptegen ıgi sharalar atqaryldy. Arnaıy agenttik qurylyp, ónertapqyshtardy jańa óner týyndysyn oılap taýyp, jasap shyǵarýǵa yntalandyrý jumystary qolǵa alyndy. Nátıjesinde, túrli sala boıynsha jańa ónertapqyshtar shyǵyp, ınnovasııalyq eńbekterin usyna bastady. Baspasóz máslıhatynda osy baǵytta atqarylǵan jumystar áńgime ózegine aınaldy. Qazirgi tańda Tehnologııalyq damý jónindegi ulttyq agent­tik eldi ındýstrııalandyrý baǵdar­lamasynyń ekinshi besjyl­dy­ǵy­nyń aıasynda ınnovasııalyq damý isin barynsha kúsheıtýdi kózdep otyr eken. «Búgingi kúnde agenttik aldyna eki maqsatty naqty qoıyp otyr. Onyń biri – Memleket basshy­synyń tapsyrmasy boıynsha dástúrli óndiris oryndarynda eskir­gen tehnologııalardyń sanyn múm­kindiginshe azaıta berý. Bul negi­zinen, metallýrgııa, geolo­gııa, aýyl sharýa­shylyǵy salasyn­daǵy kásip­oryndardyń buıym­daryna qatysty. Ekinshi kezekte ındýs­trııalandyrýdyń ekinshi besjyl­dyǵynyń aıasynda jańa salalardy damytý sharasy tur. Qazirgi tańda avtomattandyrý men ınjınırıng, sondaı-aq jumys tehnıkasyn jetildirý jáne jańartý isteri jónindegi tapsyrmalar oryndalyp jatyr», dedi tóraǵa orynbasary. Spıkerdiń sózine qaraǵanda, saladaǵy grant bólý jáne ınnovatorlardy yntalandyrý sharalary ábden pysyqtalyp bolǵan. Bul iste olarǵa Investısııalar jáne damý mınıstrligi men «Báı­terek» ulttyq basqarýshy hol­dıngi qoldaý bildirip otyr eken. Osyǵan oraı ınnovasııany damytyp, qol­danysqa engizýge qatysty tıisti zańǵa ózgertýler engizilip, birqatar tustary jetildirilgen kórinedi. «Salany damytýǵa arnap jasalǵan baǵdarlama boıynsha granttardy qarjylandyrý isi jaqsaryp, ınnovasııalyq jobalardy júzege asyrýǵa aýdarylatyn aqsha kólemi eselep artty», dedi О́.Táshimov. Nurbaı ELMURATOV, «Egemen Qazaqstan».