Foto: «UAT» AQ
Endi paıdalanýshylar ózderiniń áskerı qyzmetke shaqyrylý mártebesi men áskerı qyzmetke shaqyrý týraly aqparatty smartfonynan tikeleı qarap, bólise alady. Jańa fýnksııalar derekterge qoljetimdilikti odan ári yńǵaıly jáne jeńil etedi.
Qosymshanyń jańartylǵan nusqasynda eki jańa sıfrlyq málimetter qoljetimdi:
- Áskerı qyzmetke shaqyrý týraly aqparat – azamattyń shaqyrý mártebesi, sondaı-aq shaqyrý merzimi týraly tolyq derekter;
- Áskerı qyzmetke qatysýǵa qatysty málimetter – azamattyń áskerı mindettilik mártebesi týraly ózekti aqparat.
«Azamat óz málimetterin JSN, kompanııanyń BSN-i nemese mobıldi azamattar bazasyna tirkelgen telefon nómiri arqyly óz betinshe jibere alady. Sonymen qatar, derekterdi jumys berýshiniń tikeleı suraýy salýy boıynsha da jiberýge bolady — ol úshin jumys berýshi JSN nemese telefon nómiri arqyly suraý salý jiberedi. Sodan keıin paıdalanýshy habarlama alady jáne suraý salýdy rastaıdy nemese ony keri qaıtarady. Derekterdi eGov Mobile qosymshasyna tikeleı silteme arqyly messendjerler nemese poshta arqyly jiberýge bolatynyn atap ótemiz», delingen habarlamada.
Servısti paıdalaný úshin:
- eGov Mobile qosymshasynda avtorızasııalanyp, «Málimetter» bólimine ótý;
- «Tarıh» bóliminde málimetterge qol jetimdilik berýge kelgen suraý salýlardy qarap shyǵý;
- Málimetterdi berýge ruqsat berý nemese suraý salýdy qabyldamaý;
- Qajet bolǵan jaǵdaıda, buryn berilgen málimetterdi «Qaıtaryp alý» batyrmasyn basý arqyly qaıtaryp alý qajet.
Budan basqa, paıdalanýshylar málimetterge suraý salýlar tarıhyn tekserip, qajet bolǵan jaǵdaıda buryn berilgen málimetterge qoljetimdilikti basqarýǵa, olardy qaıtaryp alýǵa múmkindigi bar.
Aıta keteıik, jańa fýnksıonaldy jańartý QR Qorǵanys mınıstrligi, QR Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıteti jáne «Ulttyq aqparattyq tehnologııalar» AQ birlesken jumysynyń arqasynda iske asyryldy.
