A.Djýbashevtiń aıtýynsha, forýmda Prezıdent aýyldardy damytý memleketti nyǵaıtýdyń basym baǵyty ekenin atap ótti. Bıyl aýyl sharýashylyǵy taýaryn óndirýshiler 26 mıllıon tonnadan astam (rekordtyq kórsetkish) dándi jáne burshaq daqyldaryn jınady.
«Osy jyldyń eksporttyq áleýeti 12 mıllıon tonna astyq. Búginde elimiz astyqty О́zbekstanǵa, Ázerbaıjanǵa, Túrkimenstanǵa, Qyrǵyzstanǵa, Aýǵanstanǵa jáne úlken kólemde Qytaıǵa jetkizedi.
Astyqty satyp alýshy elderdiń kóbi osy kúzde jaqsy astyq jınady, bul – bizdiń negizgi naryqtarymyzda suranys pen astyq baǵasynyń tómendeýine aıtarlyqtaı áser etti», dedi ol.
Atalǵan korporasııanyń Basqarma tóraǵasynyń aıtýynsha, Memleket basshysy Úkimetke otandyq aýyl sharýashylyǵy taýaryn óndirýshilerge kómek kórsetýdi der kezinde tapsyrdy. Atap aıtqanda, Aýyl sharýashylyǵy mınıstrligi Azyq-túlik kelisim shart korporasııasy arqyly fermerlerden astyqty ıntervensııalyq satyp alýdy júzege asyrýy kerek.
«Qazir Azyq-túlik kelisimshart korporasııasy Aýyl sharýashylyǵy mınıstrligimen birlese otyryp, sharýalarǵa kómektesý úshin qajetti qarajatty bólý jumystaryn júrgizip jatyr jáne taıaýda astyqty tikeleı satyp alýdyń bastalatynyn málim etedi. Qabyldanǵan sharalar – birinshi kezekte shaǵyn jáne orta sharýashylyqtardy qoldaýǵa, olardyń ónimderin ádil baǵamen ótkizýge baǵyttalǵan. Dál osyndaı kómekti 2023 jyldyń jeltoqsan aıynda júzege asyrǵan edik. Bıyl da osy baǵyttaǵy belsendi jumysty jalǵastyryp, sharýalarǵa barynsha járdemdesemiz», deıdi Asylhan Djývashev.
