Elordanyń jańa Saraıshyq aýdanyna Maqsat Samatuly ákim boldy. Onyń kandıdatýrasyn Prezıdent Ákimshiligi men qalalyq máslıhat depýtattary maquldady. Ol osy ýaqytqa deıin Almaty aýdanyn 2022 jyldan beri basqarǵan.
Maqsat Samatuly eńbek jolyn 2007 jyly Almaty qalasy Tabıǵı resýrstar jáne tabıǵatty paıdalanýdy retteý basqarmasynyń mamany bolyp bastady.
2012 jyldan 2019 jyldyń mamyr aıyna deıin Almaty oblysy ákiminiń apparatynda túrli laýazymdardy atqarǵan.
2019 jyldyń mamyrynan 2022 jyldyń tamyzyna deıin Almaty aýdany ákiminiń orynbasary jáne Baıqońyr aýdany ákiminiń orynbasary qyzmetterin atqarǵan.
Maqsat Samatulynyń ornyna Almaty aýdanynyń ákimi bolyp 39 jastaǵy Rústem Táýekelov taǵaıyndaldy. Taǵaıyndalǵanǵa deıin, 2022 jyldyń qazan aıynan bastap «Elorda qurylys kompanııasy» JShS basshysy bolǵan.
Eńbek jolyn Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginde bastaǵan. Osy jyldar ishinde «Balqantaý KZ» JShS basqardy, «Elorda qurylys kompanııasy» JShS dırektorynyń orynbasary, «Qalalyq kólik júıeleri» JShS basqarma tóraǵasynyń orynbasary bolǵan.
