Saltanatty is-sharaǵa Qazaqstannyń eńbek sińirgen qaıratkeri, ýnıversıtet túlegi Orynsha Qarabalına, Ǵylym jáne joǵary bilim mınıstri Saıasat Nurbek jáne ýnıversıtettiń Dırektorlar keńesiniń kóraǵasy Omarhan О́ksikbaev, hımııa ǵylymdarynyń doktory, professor Muhamedqalı Mataev qatysty.
«Ýnıversıtet jas mamandardy tárbıelep qana qoımaı, ǵylym salasyn damytýǵa da den qoıyp otyr. Úlken ǵylymı ordaǵa aınalýyna kóńil bólip, zerthanalar ashyp jatyrmyz. Respýblıkada joq qurylǵylar aldyndy. Zerthanadaǵy oqýdyń 30 paıyzy oqý-ádistemelik bolsa, 70 paıyzy ǵylymı tájirıbe jınaqtaýǵa baǵyttalǵan. Ǵalymdardyń osy zerthanalardaǵy tájirıbesiniń arqasynda elimizde ǵylymı jańalyqtar bolady senimdemin. Sondyqtan bul ýnıversıtet tek muǵalim daıarlaýǵa ǵana emes, ǵylymdy damytýǵa da úles qosady», dedi Omarhan О́ksikbaev.
«Hımııa-bıologııa-fızıka» baǵytyndaǵy irgeli jáne qoldanbaly ǵylymı zertteýler júrgizýge laıyqtalyp jasalǵan zerthana ortalyǵy bolashaqta ózge de baǵyttarda damıtyn bolady.
Ortalyqta spektrlik taldaý, rentgendik fazalyq taldaý zerthanasy, jańa materıaldardy sıntezdeý, kvanttyq magnıtometrııalyq zertteýler, elektrondyq qurylymdyq zertteýler, tabıǵı qosylystar hımııasy, kreatıvti ıdeıalar jáne yntymaqtastyq zerthanasy, bıomedısınalyq zertteýlermen aınalysatyn bıomedısınalyq zertteýler jáne jańa bıologııalyq ónimder men tehnologııalardy jasaý úshin bıotehnologııa, gendik ınjenerııa boıynsha zertteýler júrgiziletin bıotehnologııalyq zertteýler jasaıtyn ártúrli baǵyttaǵy zerthanalar bar.
Mereıtoılyq is-shara aıasynda jańadan ashylǵan jańa ǵımaratta QyzPU Michigan State University, Sussex University arasynda yntymaqtastyq týraly kelisimge qol qoıyldy. Sonymen qatar QyzPU, Education University of Hong Kong jáne Abaı atyndaǵy Qazaq ulttyq pedagogıkalyq ýnıversıteti arasynda ustazdar biliktiligin arttyrý akademııasyn qurý týraly shartqa qol qoıdy. Elimizdiń bilim salasy úshin mańyzdy taǵy bir jańalyq – bilim berý men ǵylymı zertteýlerdi jańa deńgeıge kóterýge jol ashatyn Education University of Hong Kong pen Qazaqstannyń joǵary oqý oryndarynyń rektorlary arasynda Alıans qurý týraly keisimge kelýi.
Michigan State University Bilim kolledjiniń halyqaralyq zertteýler jónindegi vıse-dekany, professor Amıta Chýdgar kelisimniń mańyzdylyǵyn atap ótip, eki taraptyń ózara yntymaqtastyǵy bilim berý júıesin jetildirip, ǵylymı izdenister men ınnovasııalyq sheshimderdi júzege asyrýǵa zor úles qosatynyn bildirdi. Sussex University Bilim jáne áleýmettik ǵylymdar mektebiniń jetekshisi, Vıse-Prezıdenti professor Saımon Tompson QyzPU-men eki jyldan beri seriktestik ornatyp kele jatqanyn, osy ýaqytqa deıin oqytýshylardyń ǵylymı zertteý potensıalyn kóterý boıynsha birlesken jumystar atqarǵanyn aıtty. Professor bul kelisimniń negizgi maqsaty muǵalim daıarlaýdy ǵana emes, bilim berýdegi zertteýlerdi damytý boıynsha da birlesken jobalardy júzege asyrý ekenin atap ótti. Gonkong bilim berý ýnıversıteti Vıse-prezıdenti professor Lo Sıng Kaı ýnıversıtetpen birlese muǵalimderdiń biliktiligin arttyrýǵa arnalǵan kásibı oqytý baǵdarlamalaryn ázirleýge daıyn ekenin jetkizdi.
Mereıtoı aıasynda ótken mańyzdy sharalardyń biri – ýnıversıtette «Mazmundama» baspasymen birlese jańa ıdeıalar men kreatıvti bastamalarǵa arnalǵan «QyzPU Unispace» kovorkıng ortalyǵynyń saltanatty ashylýy ótti. «Mazmundama» baspasynyń negizin qalaýshy Shyńǵys Muqan jobany kópshilikke tanystyryp, ortalyqtyń mańyzdylyǵy men bolashaǵy jaıly pikirimen bólisti.
ALMATY
