Májilis materıaldyq emes mádenı murany saqtaý máseleleri boıynsha jeke zań jobasyn ázirleýdi usyndy. Depýtattyń aıtýynsha, ony damytqanda halyqaralyq tájirıbege súıený kerek.
«Materıaldyq emes mádenı murany maqtanyshpen qorǵap, ony mektep baǵdarlamasyna engizýimiz kerek. Nátıjesinde, jastar materıaldyq emes mádenı murany saqtaýǵa tartylady», dedi Amanjol Altaı Áleýmettik-mádenı damý komıtetiniń otyrysynda.
Onyń aıtýynsha, materıaldyq emes mádenı muranyń qataryna ana tilimiz, maqal-mátelder, naqyl sózder, ertegiler, salt-dástúr, ádet-ǵuryp kiredi.
Buǵan deıin Májilis depýtaty Erbolat Satybaldın «Materıaldyq emes mádenı murany qorǵaý týraly» zań jobasyn ázirleý ıdeıasyn qoldaǵan edi. Onyń pikirinshe, qujatta materıaldyq emes murany qorlaǵandardyń qalaı jazalanatynyn naqtylaý qajet.
