Aqynnyń aıryqsha álemi

Elordada qazaq­tyń belgili aqy­ny, tuń­ǵysh «Da­ryn» Mem­lekettik jas­tar syı­lyǵynyń, Halyq­ara­lyq «Alash» ádebı syı­lyǵynyń ıegeri Ábýbákir Smaıylovtyń «Qus jolynda bireý júr joq qaraǵan» atty kitabynyń tusaýkeser rásimi ótti. Jıynǵa belgili aqyn-jazýshylar, qorǵanys salasynyń ardagerleri men oqyrmandar qatysty.

Kesh tizginin qolǵa alǵan aqyn Baýyrjan Babajanuly táýelsizdik jyldaryndaǵy ádebı úderisti, sol shaqtaǵy Ábýbákir aqynnyń keńinen tanylǵan esim-soıy men óleńderi haqynda aıtyp ótti. Sonymen birge is-sharada sóz alǵan aqyn, Parlament Májilisiniń depýtaty Ja­narbek Áshimjan aqyn poezııasynyń ereksheligine toqtaldy.

– Birinshiden, aqy­nymyzdy qaıtaryp bergeni úshin ortamyzdaǵy general myrzalarǵa alǵys aıtqym kelip otyr. Shynynda, bú­gin qazaqtyń asa talantty qalamgeriniń úlken mereıtoıy ótip jatyr. Qa­zaqta jaqsy aqyndar kóp, biraq 90-jyldary Ju­mataı Jaqypbaev sekildi aqyndardyń kózin kórip, sol topalań jyldarda ózin joǵaltpaı aman shyqqan Ábýbákir aǵalarymyzdaı aqyndar kemde-kem. Bul kisi basynda lırık aqyn bo­latyn, keıinnen aza­mat­tyq poezııanyń iri ókil­deriniń birine aınaldy. Aqynnyń gazet-jýrnaldarda jarııalanǵan jyrla­ryna qarap otyrsaq, ke­shegi Muqaǵalı, О́mirzaq Qo­jamuratov, Tólegen Aı­bergenovterdiń mektebinen sýsyndaǵanyn ańǵaramyz, – dedi Janarbek Áshimjan.

Jıynda belgili jýrnalıst Arman Sqabyluly «Ábý­bákirdiń kózinshe Tabyl óleń oqymaıtyn. Ábýbákir oqysyn, sonyń óleńin tyń­daıyq dep otyraýshy edi...», dep stýdenttik shaqty eske aldy. Tuńǵysh bard aqyn Tabyldy Dosymovtyń uly Abyl Dosymov aqynǵa tilek bildirip, ánnen shashý shashty. Sonymen qatar ánshi Ashat О́mirǵalı Ábýbákir Smaıy­lovtyń sózine, Baýyrjan Úsenovtiń ánine jazylǵan «Aq shaǵala» ánin oryndaǵanda, júregi ezilmegen jan qal­mady.

Qazaqtyń Aqseleýi: «Jyr darııasy aıdynynan Ábýbákir Smaıylov kergen aq jelken moıyn burǵyzady. Táńirim jelin ońynan turǵyza kórgeı! Tamyryn tereńnen tartqan tegeýrin den qoıǵyzady» dese, poezııa padıshasy Fa­rıza Ońǵarsynova: «Men Ábý­bákirdiń qyjyly men qyshqyl muńy kóp óleńderi oqyrmandy eldik namys pen jýsannyń ıisindeı ulttyq bolmyspen qorektendiredi dep oılaımyn jáne onyń aqyndyq bolashaǵyna úmit­pen qaraımyn» degeni belgili. Iriler úmit artqan arqaly aqynnyń kitaby memlekettik tapsyryspen alǵash ret jaryqqa shyǵyp, oqyrman qaýymǵa jol tartyp otyr.