Elimizdiń taekvondoshy-lary buǵan deıin de iri jarystarda el atyn álemge tanytyp júr. Aldaǵy ýaqytta da dál osy qarqynda sheberlikterin kórsetetinine senedi.
«Elimizde taekvondo sporty (WT) eresek sportshylar arasynda da, balalar arasynda da jaqsy damyp keledi. Bul jolǵy chempıonattyń ereksheligi, jarysqa tóreshilik etýge Reseı, О́zbekstan, Tájikstan, Mońǵolııa ókilderi keldi. Qyrkúıek aıynda Astanada halyqaralyq federasııa mamandarymen birlesken semınar ótti. Jıynda elimizde tóreshileriniń biliktiligin arttyrý, halyqaralyq jarystarda olardyń sanyn kóbeıtý jóninde kelissózder júrgizdik. Kez kelgen deńgeıdegi jarysty ádil ótkizý, árbir sportshynyń tolyqqandy daıyndyǵyna qatysty barlyq qajettilikti qamtamasyz etý – mindetimiz», deıdi taekvondo federasııasynyń prezıdenti Qudrat Shamıev.
Jarys «kerýgı» formatynda uıymdastyryldy. Bul taekvandonyń basqa túrlerine qaraǵanda erekshe. Onda tek fızıkalyq daıyndyq qana emes, psıhologııalyq tózimdilik te mańyzdy ról atqarady. Sondyqtan ár sportshy óz sheberligin barynsha kórsete alýǵa tıis. Jarystyń maqsaty – ulttyq qurama sapyna erler men áıelder, jastar arasynan kil myqtyny irikteý.
«Taekvondo sporty búginde mádenıetimizdiń ajyramas bóligine aınaldy. Elimizdiń taekvondo federasııasyna 20 óńirlik federasııa kiredi. Jyl saıyn el kóleminde 100-ge jýyq aımaqtyq, ulttyq, halyqaralyq deńgeıdegi jarystar ótedi. Taekvondomen elimizde 200 myńnan asa adam aınalysady. Olardyń 116 myńy – jas sportshylar. Sondaı-aq halyq sany 500 myńnan asatyn mekenderde túrli taekvondo seksııalary jumys isteıdi», dep atap ótti taekvondo federasııasynyń bas hatshysy Aızat Qarashashev.
Jyldamdyq, serpindilik, eptilik bul sport túrinde asa mańyzdy. О́z baǵytyna uqsas jarystar túrlerinen ereksheligi – ár sportshynyń kıimi elektrondyq datchıktermen jabdyqtalady. Sondyqtan soqqylar avtomatty túrde esepteledi. Bul óte yńǵaıly júıe. Ol jeńimpazdy obektıvti anyqtaýǵa múmkindik beredi.
Qablan Beıbarys Qarasaı aýdanynyń taekvondo seksııasyna 13 jyl buryn kelgen. Jattyqtyrýshylary birden bala boıyndaǵy joǵary áleýetti baıqaıdy. Qatarlastarynan eńbekqorlyǵymen, qıyndyqty eńserýge degen yntasymen erekshelenedi.
«Jasym 19-da, onyń 13 jylyn taekvondoǵa arnadym. Bıyl Indonezııanyń Tangerang qalasynda ótken ashyq Azııa chempıonatynda G-2 týrnıriniń jeńimpazy atandym. Jyldar boıy jattyǵýdyń nátıjesinde ózimniń jekpe-jek tásilimdi qalyptastyrdym. Qandaı jaǵdaı bolsyn moıymaýdy, qaıta turyp áreket etýdi úıretken jattyqtyrýshym Jalǵac Orynbasarulyna alǵysym sheksiz. Aldaǵy ýaqytta Olımpııa oıyndarynda jeńiske jetsem degen armanym bar», deıdi sport sheberi Qablan Beıbarys.
Týrnırdiń alǵashqy jeńimpazdary da belgili boldy. Erler arasynda Almaty qalasynan Tamerlan Tileýles, Jambyl oblysynan Bekasyl Ergesh, Shyǵys Qazaqstan oblysynan Batyrhan Tóleýǵalı jeńis tuǵyryna kóterilse, áıelder arasynda almatylyq Aıdana Qumartaeva, astanalyq Aısha Ádilbekqyzy, túrkistandyq Nazym Mahmýtova chempıon atandy. Jekpe-jek jarysy jalǵasyp jatyr.
Almaty oblysy
