Sot materıaldaryna sáıkes, ótken jyldyń sáýir aıynda jábirlenýshiniń telefonyna belgisiz nómirden qońyraý túsken. Qońyraý shalǵan adam ózin bank qyzmetkeri retinde tanystyryp, jábirlenýshiniń atyna 1 mıllıon teńge kóleminde nesıe rásimdelip jatqanyn habarlaǵan.
«Alaıaqtar máseleni «sheshý» úshin ony banktiń «qaýipsizdik qyzmetimen» baılanystyrǵan. Olar jábirlenýshige basqa bankten karta ashyp, onlaın nesıe rásimdeýdi usynǵan. Sodan keıin aqshany bankke qaıtarý úshin belgili bir shotqa aýdarýdy talap etken», dep jazylǵan iste.
Aqmola oblystyq sotynyń baspasóz qyzmetiniń habarlaýynsha, zań boıynsha, tulǵa basqa adamnyń múlkin zańsyz saqtasa, ol ony qaıtarýǵa mindetti. Bul Azamattyq kodekstiń 953-babynyń 1-bólimine sáıkes keledi.
«Sot sheshimimen jábirlenýshiniń talap-aryzy qanaǵattandyrylyp, alaıaqtyq arqyly alynǵan 1 mıllıon teńge jáne memlekettik baj salyǵynyń shyǵyndary jaýapkerden óndirildi», dep jazylǵan habarlamada.
Qazirgi tańda sot sheshimi zańdy kúshine engen joq.
