Shyǵarmashylyqtaǵy jańa múmkindik

Bolat Muhamedıev – kitap gra­fıkasy, keskindeme, abstraksııa, músin, dızaın, arhıtektýra jáne fotoónerdiń erekshe­ úılesimin ushtastyra otyryp, za­manaýı tehnologııalar men dás­túrli ónerdi úılesimdi bi­rik­­­tirgen talantty qylqalam she­beri.

Sýretshi ómiriniń mańyzdy beles­te­rin atap ótpeý múm­kin emes. Ol Qa­zaq­stan men álem­niń kóp­tegen qala­synda bilim alyp, shynaıy sheber­lik pen ómirge degen erekshe kóz­qaras qa­lyptastyrdy. Onyń óneri elimizde ǵa­na emes, halyqaralyq deńgeıde de mo­ıyndalǵan. Kóptegen halyq­aralyq ma­ra­pattar men 12 eldiń qur­­metti sýret­shisi mártebesine ıe, olar­dyń ishinde 2023 jyly Pa­rıjde ótken abstrak­sıo­nıster arasyndaǵy dúnıe­­júzilik baı­qaýda jeńip alǵan altyn medal erekshe oryn alady. Sony­men qatar avtor­dyń je­tistikteri amerı­kalyq «Forbes» basylymynda jarııa­lan­ǵan.

Kórmede usynylǵan erek­­­­­­she týyn­­­dy­­lardyń biri – sıf­r­­­lyq keskin­de­me. Bul sýret­­­shiniń ónerge zamanaýı teh­­no­­lo­gııa­lardy engizýge degen umty­lysyn bil­dirse kerek. Ekspozısııa kórer­men­der­­di shyǵarmashylyqtyń jańa múm­kin­­dik­terin ashýǵa sha­byt­­tandyryp, XXI ǵa­s­yr ónerin­de sıfrlyq tehno­lo­­gııa­­lar­dyń biregeıligin aıqyndaýǵa, ár­bir adamǵa sheberdiń týyndy­la­rynan «Ýa­qyt rezonansyn» tabýǵa múm­kin­dik berý­di kóz­deıdi. Kórme tórin­degi avtor­dyń 50 shyǵarmasy ýaqyt aǵysyn, adam kóńil kúıiniń ishki yrǵaqtaryn beı­ne­leıdi.

Kórmeni ashqan Memle­kettik orta­lyq mýzeı dırek­torynyń orynbasary Anna Kýshenko óz sózinde: «Bolat Muhamedıev – ýaqyt tala­byna saı shyǵar­ma­shylyq she­ka­ra­­lar­dy ke­ńeıtip, óner ále­m­in­de óz or­nyn aıqyn­da­ǵan sýretshi. Onyń týyndylary tereń oı­dyń, talǵampaz shebe­­r­liktiń, z­a­manaýı tehnologııa­lardy ıgerý qa­biletiniń kórinisi. Kór­me sý­retshi shyǵar­ma­shy­ly­ǵyn tanystyryp qana qoı­maı, jańa mádenı-rýhanı qyr­­­lardy ashýǵa múmkindik bere­di ári elimizdiń jas sýret­shi­le­rine mańyz­dy baǵdar bolary anyq», dep atap ótti.

Qazaqstan Sýret­shiler oda­ǵy­nyń tóraǵasy О́mirbek Juba­nııazov sóz alyp, óner­diń qoǵam­daǵy mańyzy men mádenıetke tıgizetin yqpaly týra­ly oılarymen bólisti. Ol Sýret­shi­ler odaǵy tarapynan avtorǵa «Beıneleý ónerine sińir­gen eńbegi úshin» medalin taqty.

Atap óter bolsaq, B.Muha­medıev Germanııa, Bolgarııa, Cheho­slovakııa, Polsha, Túr­kııa, Japonııa elderinde kitap-jýrnal óneri salasynda 6 ha­lyq­aralyq syılyqqa ıe bol­ǵan. 1992–2023 jyldar ara­ly­ǵynda ol 11 taqyryptyq stela­ men 50-den astam shaǵyn arhı­­­tek­týralyq forma jasap, bes arhıtektýralyq joba­ny ázirlegen. «Bilim jáne eńbek» jýrnalynda jumys iste­gen jyldary sýretshi 24 muqa­bany ıllıýstrasııalap, «Qazaq­stan» baspasynda ártúrli janr­daǵy 300-den astam kitap­ty kór­kemdegen, olardyń ishin­de balalarǵa arnalǵan, ǵyly­mı-kópshilik, kórkem jáne aýyl­sharýa­shylyq ádebıetteri bar.

ALMATY