Onyń Qaraǵandydaǵy irgeli ári ilgeri Abaı atyndaǵy mektep-gımnazııasynda qyzmet qylýy da sodan. Jańa mekteptiń qurylǵanynan bastap búgingi kúnge deıin órleýine jas pedagogtyń ózindik úlesi bar.
Birshama talantty oqýshylary respýblıkalyq dodalardan top jaryp keldi. Astanada ótken shyǵarmashyl oqýshylar arasyndaǵy «Aqberen» IH respýblıkalyq óner baıqaýynda sheshendik óner atalymynda Erkejan Qanysh esimdi oqýshysy ekinshi oryn ıelengen. Kóp uzamaı Aqtaý qalasynda ótken H respýblıkalyq «Aqberen» oqýlarynan Erkejan shákirti úshinshi oryn alady. Munymen qosa V respýblıkalyq «Ishi – altyn, syrty – kúmis sóz jaqsysy…» sheshendik óner baıqaýynda 10 synyp oqýshysy Dúısen Abylaı birinshi oryn alsa, Sııa Aıbota úshinshi orynǵa qol jetkizedi. Bul jas muǵalim daıyndaǵan oqýshylardyń tek respýblıkalyq saıystardan qol jetkizgen júldeleri. Qalalyq, oblystyq saıystardan top jaryp júrgen shákirtteri de jetip artylady. О́zi de mektep oqyp júrgen kezinde sóz ónerinen túrli saıysqa túsip, top jaryp júripti. Ásirese Mahambet pen Muqaǵalıdy súıip oqyǵan kórinedi. Ekeýiniń barlyq óleńin jatqa bilip, ony órshil rýhpen oqyǵanda tyńdarmandy tańdaı qaqtyratyn talantty bolǵan. Talapty ustaz sodan bolar shákirtteriniń jolyn ashyp, shyǵarmashylyǵyn damytamyn dep damyl tappaıdy.
Bilim negizin bala kezinen myqtap qalaǵan ol Maıqudyqtaǵy Ult kósemi Álıhan Bókeıhan atyndaǵy mekteptiń túlegi ári maqtanyshy. Ustaz bolýǵa jastaıynan umtyldyrǵan Kúmis Shmakova men Jańagúl Nurmuhanqyzynyń esimin aýzynan tastamaıdy.
E.Bóketov atyndaǵy Qaraǵandy zertteý ýnıversıtetiniń fılologııa fakýltetinde bilimin tereńdetken onyń stýdenttik joly da shyǵarmashyl ortamen tyǵyz baılanysta bolypty.
Onymen qosa týǵan aǵasy Ánýar da tarıh pániniń muǵalimi. Aǵasynan kórgeni bar, óziniń túıgeni bar Jangeldi sóıtip ustazdyq jolǵa top ete qalǵan.
Eńbek jolyn Suryptaý kentindegi №12 jalpy bilim beretin mektepten bastaǵan. Osy jerde júrip tájirıbe jınaqtaıdy. Sabaq berýdiń túrli metodıkasyn meńgeredi. Mekteptiń belsendi ustazy bolǵan ol áýeli balalar boıynda ulttyq bolmysty qalyptastyrýdy kózdeıdi. Sol úshin jumys jasaıdy. Sóıtip júrip mektep basshylyǵynyń ruqsatymen bilim oshaǵynda oıshyl, rýhanı qaıratker Máshhúr Júsip atyndaǵy konferensııany uıymdastyrýǵa uıytqy bolady. Ondaǵy maqsaty – mektepke Máshekeńniń atyn alyp berý edi. Biraq keıinnen qalanyń Ońtústik-Shyǵys aýdanyna qonys aýdarǵandyqtan qazirgi qyzmet etip júrgen Abaı mektebine aýysyp, oıǵa alǵan sharýasy aıaqsyz qalady. Endi mynany qarańyz, sol Máshekeń keıingi ýaqytta Jangeldi ustazdyń túsine kirip júr eken. Ol jaıly ózi bylaı deıdi:
«Abaı mektebine aýysyp kelip, qal-qadirimiz jetkenshe sabaǵymyzdy berip júrdik. Shákirtterim de bıikten kórinip júr. Barlyǵy oıdaǵydan da jaqsy. Biraq keıingi ýaqytta úlken qasıet ıesi Máshekeńdi kórip júrmin. Sodan endi túsinip jatyrmyn. Bastaǵan isimdi aıaqsyz qaldyrdym. Sol sebepti Máshekeńniń rýhy mazalap júr. Bulaı jaramas. Qazir Abaı mektebinde qyzmetimdi atqaryp júrsem de sol sharýaǵa kiristim», deıdi jas muǵalim.
Mine qazir sol mekteptiń ákimshiligimen kelisim ornatqan ol qujatymen zyr júgirip júr. Aınalyp kelgende bul da ultqa qyzmet qylýdyń aıshyqty aıǵaǵynyń biri.
«Ustaz tek pándik bilim ǵana berip qoımaı, shákirtiniń ómirlik kózqarasyn shama-sharqysy kelgenshe qalyptastyrýǵa tyrysady. Oqýshylardy álemde ashylyp jatqan túrli jańalyqtar qyzyqtyrady. Bizdiń kez kelgen taqyrypta sóılese alýymyz mańyzdy. Osyny túsine otyryp, men ár sabaqqa tyńǵylyqty daıyndalamyn. Máselen ádebıet álemindegi sońǵy jańalyqtardy bilip barýǵa tyrysamyn. Synybymdaǵy oqýshylardy kitapqa basylǵan ótken tarıh qana emes, keleshektiń de áńgimesi qyzyqtyrady. Ásirese oqýshylar ekranızasııalanǵan kórkem týyndylardy kóredi. Sabaq ústinde anımasııalyq fılmder men ıntellektýal aýdıtorııaǵa laıyqty kórkem fılmderdi taldaımyz. Munyń bári meni sózsiz qýantady. Mektep qabyrǵasynda júrip-aq óreli taqyryptardy qozǵaı alatyn shákirtterimnen zor úmit kútemin», deıdi pedagog-moderator J. Kenjebaı.
Osydan kele Jangeldi sekildi balalardyń janyna bilim ǵana emes, ulttyq tárbıe sińire alatyn er muǵalimderdiń qatary kóbeıse deısiń, shirkin!
