Sýret: semeytany.kz
Atalǵan mınıstrlik erekshe bilim berý qajettilikteri bar balalarǵa teń múmkindikti qamtamasyz etý, mektepterde ınklıýzıvti bilim berý ortasyn qurý baǵytynda birqatar jumysty qolǵa alǵan. Osy qadamnyń biri – pedagog-assıstent mamandaryn daıarlaý.
Qazirgi tańda psıhologııalyq-medısınalyq-pedagogıkalyq keńes berý esebinde (PMPK) erekshe bilim berýdi qajet etetin 203 myń bala bar. Olar 496 arnaıy bilim berý uıymynda oqıdy. Bilim berý uıymdarynda ınklıýzıvti orta qalyptastyrý maqsatynda aıtarlyqtaı jumys júrgizildi. Máselen, erekshe bilim berý qajettilikteri bar balalar úshin balabaqshalardyń 69%-da, mektepterdiń 88%-da jáne kolledjderdiń 80%-da jaǵdaı jasalǵan. Mektepterde 1 071 arnaıy jasaqtalǵan kabınet jumys isteıdi.
«Elimizdiń mektepterinde «pedagog-assıstent» laýazymy engizilip, mamandar sany bir jylda 1 000-nan 2,5 myńǵa deıin artty. Endi pedagog-assıstent laýazymyn mektepke deıingi uıymdarda engizý múmkindigi qarastyrylyp otyr. Erekshe bilim berý qajettilikteri bar balalarmen 9 myńnan astam arnaıy pedagog jumys isteıdi. Mamandarǵa degen qajettilikti eskere otyryp, kelesi oqý jylynan bastap, elimizdiń kolledjderinde «pedagog-assıstentter» daıarlaý qolǵa alynady», deıdi Inklıýzıvti jáne arnaıy bilim berý departamentiniń dırektory Laýra Butabaeva.
Oqý-aǵartý mınıstrligi erekshe bilim berý qajettilikteri bar balalarǵa bilim alý jaǵdaıyn jaqsartý jáne bilikti kadrlarmen qamtamasyz etý baǵytyndaǵy jumystardy áli de jalǵastyra bermek.
