Álemde daýyspen aqsha basqarý men tólem tehnologııalary qarqyndy damyp keledi. Osy tehnologııalar mobıldi bank qyzmetterinen bastap, aqyldy qurylǵylarǵa deıin ártúrli salalarda qoldanylyp júr. Qazirdiń ózinde «Apple Siri», «Amazon Alexa», «Google Assistant» sııaqty vırtýaldy kómekshiler shottardy tóleý, qarajatty aýdarý, qarjylyq keńester berý sııaqty qyzmetterdi daýyspen basqarady. Mysaly, «Royal Bank of Canada» men «Barclays» sııaqty bankter qarjy úderisterine engizgen. Joǵaryda aıtqanymyzdaı, munyń aýyly bizden de alys emes. Endi bizde bank qosymshasyndaǵy daýystyq basqarý jasandy ıntellekt basqarýymen jumys isteıtin bolady. Mamandar qazirdiń ózinde úlken tildik modelderdiń belsendi testter serııasyna kóshti.
– Mysaly, siz jaı ǵana qosymshaǵa kirip, «10 000 teńge Aıjanǵa aýdarylsyn» deseńiz, júıe barlyq Aıjan atty kontaktilerdi sizge usynady. Siz aýdarym jasaý kerek bireýin tańdaısyz. Biz bul múmkindikti «Halyk SuperApp»-ta júzege asyrǵymyz keledi. Júıe tipti paıdalanýshynyń derekterinen úırenip, belgili bir jazylymǵa nemese qyzmetke aqy tóleýdiń ýaqyty kelgenin túsinedi. Adamdy qajetsiz áreketterdi jasaýǵa májbúr etpesten óz betinshe jasaýdy usynady. Sondaı-aq biz jeke qarjylyq josparlaýdy qosamyz, osylaısha árkim óz shyǵyndarynyń analıtıkasyn kóredi, – deıdi A.Zavarzın.
Álbette, bul tehnologııalar qarjylyq qyzmetterdiń qoljetimdiligin arttyryp, ýaqyt únemdeıdi. Biraq ony jappaı qabyldamas buryn, qaýipsizdik pen senimdilikke saq bolý qajet. Sebebi qaýipsizdik máselesi, tildik erekshelikterdi túsinýdegi qıyndyqtar, «POS» qurylǵylarymen úılesimdilik máselelerinen aınalyp kete almaımyz. Biraq IT qurylǵylarynyń taralýy men jasandy ıntellektiniń damýy arqasynda bul tehnologııanyń bolashaǵy zor bolýy múmkin.
