Konferensııada depýtattar, memlekettik organdardyń, saraptamalyq jáne ǵylymı qoǵamdastyqtardyń ókilderi atalǵan baǵyttaǵy birlesken jumystyń maqsat-mindetterin belgilep, bala quqyqtaryn qorǵaý jónindegi bastamalardy odan ári arttyrýdy kózdeıtin usynymdar ázirledi.
M.Áshimbaev atap ótkendeı, BUU-nyń Bala quqyqtary týraly konvensııasy – álem boıynsha balalardyń quqyqtaryn qorǵaýdy qamtamasyz etýge arnalǵan negizgi qujat. Konvensııa – Qazaqstan táýelsizdik alǵannan keıin ratıfıkasııalaǵan alǵashqy halyqaralyq sharttardyń biri. Sondyqtan ol balalardyń quqyqtary men múddelerin qorǵaý salasyndaǵy ulttyq zańnamany jetildirý isinde mańyzdy ról atqardy.
«Balalardyń quqyqtary men zańdy múddelerin qamtamasyz etý – Qazaqstannyń memlekettik saıasatynyń mańyzdy baǵyttarynyń biri. Bul máselege Prezıdentimiz Qasym-Jomart Toqaev únemi basa mán berip keledi. Bala quqyqtary týraly konvensııa álemdik qoǵamdastyq úshin úlken mańyzǵa ıe jáne ol bizdiń Birikken Ulttar Uıymynyń Balalar qorymen (IýNISEF) yntymaqtastyǵymyzǵa negiz boldy. Osy jyldar ishinde Qazaqstan men IýNISEF birlesip, túrli baǵdarlamalar men bastamalardy iske asyrdy. Bala quqyqtary jónindegi ýákil ınstıtýty quryldy. Bilim berý sapasyn jaqsartý jáne ınklıýzıvti bilim berý júıesin qalyptastyrýǵa arnalǵan reformalar júzege asyrylyp jatyr. IýNISEF-tiń kómegimen elde bala quqyqtarynyń iske asyrylýyn baǵalaý jáne oǵan monıtorıng júrgizý úshin Qazaqstan balalarynyń hal-ahýal ındeksi engizildi», dedi palata spıkeri.
Osy oraıda M.Áshimbaev elimizde «Ulttyq qor – balalarǵa» baǵdarlamasy Bala quqyqtary jónindegi konvensııanyń ratıfıkasııalanǵanyna 30 jyl tolǵan kezeńde qolǵa alynýynyń sımvolıkalyq mánine nazar aýdardy.
Konferensııa barysynda bala múddesin qorǵaýǵa kedergi keltiretin qazirgi syn-qaterler jáne olardy eńserý joldary, sonyń ishinde atalǵan baǵyttaǵy ulttyq quqyqtyq júıeni jetildirý máseleleri talqylandy.
Senat tóraǵasy óz sózinde Qazaqstannyń IýNISEF-pen yntymaqtastyǵynyń negizgi basymdyqtarynyń biri bala quqyqtaryn qorǵaý salasyndaǵy halyqaralyq ozyq tájirıbelerdi ıntegrasııalaý múmkindigi ekenin aıtty. Sondaı-aq Parlament Senatynyń IýNISEF-pen birlesken zańnamalyq bastamalaryna, onyń ishinde balalardyń ómir súrý sapasyn jaqsartýǵa, osal sanattaǵy balalary bar otbasylardy áleýmettik qoldaýǵa arnalǵan quqyqtyq tetikterge nazar aýdardy.
«Elimizde balalarǵa qatysty zorlyq-zombylyqqa nóldik tózimdilik aıryqsha mańyzǵa ıe. Osyǵan baılanysty bıyl sáýir aıynda Memleket basshysynyń tapsyrmasymen el zańnamasyna ózgerister men tolyqtyrýlar engizildi. Sol arqyly balalarǵa qatysty zorlyq-zombylyqtyń kez kelgen túri úshin jaýapkershilik aıtarlyqtaı kúsheıdi. Osy jáne basqa da bastamalar Prezıdentimiz Qasym-Jomart Toqaev qolǵa alǵan reformalardyń ajyramas bólshegi ekenin atap ótken jón. Onyń bári Ádiletti Qazaqstan qalyptastyrýdy kózdeıdi. Biz aldaǵy ýaqytta da IýNISEF-pen seriktestikti nyǵaıtýdy jalǵastyra beremiz jáne jańa ıdeıalar men jobalardy iske asyrýǵa daıynbyz», dep M.Áshimbaev bala quqyqtaryn qorǵaý jolyndaǵy tıimdi birlesken jumys úshin IýNISEF-ke jáne barlyq seriktesterge rızashylyq bildirdi.
Is-shara barysynda sarapshylar basqa da ózekti máselelerdi talqylady. Naqty aıtqanda, balanyń qalyptasýyna aqparattyq keńistik pen sıfrlyq tehnologııalardyń áseri keńinen sóz boldy. Forýmǵa qatysýshylar mundaı problemalardy sheshý úshin vedomstvoaralyq keshendi tásil qajet ekenin aıtty.
«Qazaqstan balalarǵa qatysty zorlyq-zombylyqqa qarsy kúreste turaqty ilgerilep keledi. Bul baǵyttaǵy sıfrlyq álemge qatysty ahýal da kóńil kónshitedi. Bıyl sáýirde áıelderdiń quqyqtary men balalardyń qaýipsizdigin qamtamasyz etý týraly jańa zań qabyldandy jáne tyń zańnamalyq bastamalar da qolǵa alynyp jatyr. Osylardy eskere otyryp, qazir Qazaqstan balalardy qorǵaý júıesin nyǵaıtýdyń mańyzdy kezeńinde deýge tolyq negiz bar. IýNISEF Qazaqstanmen yntymaqtastyqty jáne eldiń árbir bala úshin qaýipsiz bolashaq qalyptastyrýǵa qosqan úlesin joǵary baǵalaıdy. Uıym aldaǵy ýaqytta da bul saladaǵy reformalardy qoldaýǵa daıyn. Biz birlesip, jańa syn-qaterlerdi eńseremiz jáne bala quqyqtary tolyǵymen júzege asyrylatyn álem qura alamyz», dedi IýNISEF-tiń Qazaqstandaǵy О́kili Rashed Mýstafa Sarvar.
Sonymen qatar konferensııada Bala quqyqtary jónindegi ýákil Dınara Zákıeva, Oqý-aǵartý mınıstri Ǵanı Beısembaev, IýNISEF-tiń halyqaralyq konsýltanty Lıdııa Galeano, S.Amanjolov atyndaǵy ShQMÝ Psıhologııa jáne korreksııalyq pedagogıka kafedrasynyń professory Irına Maskevıch jáne taǵy basqa sarapshylar sóz sóıledi.
