«Jarkent–Qorǵas» joly ashyldy

Qorǵas qaqpasyna baratyn joldyń dańǵyl bolǵany elimiz úshin erekshe mańyzdy. Sebebi eki el arasynda saýda-sattyq jasaıtyn aǵaıyn demalys saıyn Qytaı shekarasyn kúzetedi. Sondyqtan avtomobıl joly qaı kezde de eldiń ınfraqurylymynyń mańyz­dy bóligi. Mundaı negizgi arterııalar jergilikti turǵyndardyń ǵana emes, kóptegen týrıstiń de kedergisiz qozǵa­lysyna yqpal etip, sonymen qatar eko­no­mıkanyń damýyna, basqa aımaq­tar­men baılanysty nyǵaıtýǵa oń áserin tıgizedi. Bul rette shekaralas Panfılov aýdany da osy ıgi úrdisten tys qalǵan joq.

О́ńir ákimi baspasóz qyzmetiniń máli­metinshe, uzyndyǵy 32 km bolatyn «Jarkent – Qorǵas» joly ýchaskesi Panfılov aýdanynyń Qyryqqudyq, Aqkent, Avat, Atameken aýyldary arqy­ly ótedi. Bul jol ótken ǵasyrdyń 60–70-jyldarynda salynǵandyqtan, keıingi jyldary kólik júrgizýshiler men jergilikti turǵyndarǵa birshama jaı­syzdyq týǵyzǵan edi. Bul rette tur­ǵyndar jóndeý jumystarynyń bastal­ǵanyn qýana qup alyp, qurylys­shylarǵa barynsha qoldaý kórsetti. Qurylys jumystary osy jyldyń shilde aıynda bastalyp, belgilengen merdiger uıymnyń jol jóndeýshileri Jetisý oblysy «QazAvtoJol» UK» AQ fı­lıalynyń tapsyrysymen jumys­tar­dy bes aıdyń ishinde aıaqtady.

«О́ńirdiń ınfraqurylymyn damytý, joldardyń sapasyn kóterý maqsatynda bıyl Qorǵas aýylynan Jarkent qalasyna aparatyn eski jolǵa ortasha jóndeý júrgizdik. Joba aıasynda jańa ekiqabatty asfalt tóseý esebinen jol tóseminiń sapasy jaqsardy. Jol bo­­ıyn­daǵy eldi mekenderde tro­týar tóseldi, jaryqtandyrý, jańa jol belgileri men aqparattyq panelder orna­tyldy, jol qozǵalysynyń qaýip­siz­digin qamtamasyz etetin belgiler qoıyldy», deıdi «QazAvtoJol» AQ oblystyq fılıalynyń dırektory Nurhat Aqyltaev.

Joldyń ashylý rásimine qatysqan aýyl turǵyndary alǵysyn bildir­di. Úlkenshyǵan aýyldyq okrýgi Qoǵam­dyq keńesiniń tóraǵasy Toılybaı Dombaǵulov «Jarkent – Qorǵas» joly­nyń uzyna boıyna trotýar­lar, jaıaý júrginshiler ótkelderi, jaryq­tan­dyrý jasalǵany aýyl turǵyndaryna qo­­laı­ly jaǵdaı týǵyzǵanyn atap ótti. Onyń aıtýynsha, jol sapasyn kún sa­ıyn kóligimen árli-berli saparlaıtyn Jarkent júrgizýshileri de oń baǵalap otyr.

Jalpy, oblys aýmaǵynda respýb­lıka­lyq mańyzy bar avtojoldardy qaıta jańǵyrtýǵa baǵyttalǵan iri jobalar iske asyrylyp jatyr. Res­pýb­lıkalyq mańyzy bar «Úsharal – Dostyq» joly paıdalanýǵa berildi. Jýyrda «Taldyqorǵan – Úsharal» avto­­jolyn qaıta jańartý aıaqtalady, onda­ǵy jumystar 98%-ǵa oryndaldy, ny­sandy tolyq aıaqtaý 2024 jyldyń sońyna josparlanǵan. Sondaı-aq respýblıkalyq mańyzy bar «Saryózek – Kóktal», «Aıdarly – Kóktal» avtojoldarynda jóndeý jumysy júrgizilip jatyr.

Bıyl oblystyq mańyzy bar avtomobıl joldaryn damytýǵa 24,9 mlrd teńge bólindi. Bul qarajatqa 29 joba iske asyrylady, onyń aıasynda 193,4 km jol jóndeledi. Osylaısha, 2024 jyldyń sońyna qaraı jaqsy, qanaǵat­ta­nar­lyq jaǵdaıdaǵy jergilikti avtomobıl joldarynyń úlesin 94%-ǵa jetkizý jos­parlanyp otyr.

Jetisý oblysy