2023 jyldyń 1 qańtarynan bastap Almaty ákimi Erbolat Dosaevtyń tapsyrmasy boıynsha úı ishindegi aýmaqtar aýdan ákimdikteriniń qarajaty esebinen jınalady. Buǵan deıin PIK tazalaýshylarynyń sapasyz jumysy másele bolyp, oǵan turǵyndar únemi shaǵymdanǵan. Aýdan ákimdiginiń bul jumysqa qarajaty bolmady. Sonymen qatar múlik ıeleri men qarapaıym seriktestikterdiń birlestikterin qurý kezinde úı ishindegi aýmaqtar is júzinde ıesiz qalǵan kezde quqyqtyq vakýým paıda boldy.
Búginde jaǵdaı jaqsy jaqqa ózgerdi. Endi kósheler, saıabaqtar men aýlalardyń tazalyǵyna jaýapty merdigerler óz mindetterin durys oryndamaǵany úshin qatań jaýap beredi. Bostandyq aýdanynyń ákimi Sanjar Alın atap ótkendeı, tazalaý sapasyn baqylaý úshin OSI jáne PIK tóraǵalary, sondaı-aq messendjerler arqyly aýdan turǵyndarymen keri baılanys júıesi qoldanylady.
«Eger merdigerler óz mindettemelerin oryndamasa, biz jedel áreket etemiz. Aldymen ýchaske bastyǵyna, sodan keıin uıymnyń ózine aıyppul salamyz. Eger jaǵdaı túzetilmese, biz shartty sot arqyly buzamyz. Sotqa deıingi hat jiberilgen merdiger bar», dedi aýdan ákimi.
Jalpy, Bostandyq aýdanynda aýmaqtardy jınaý júıeli negizde júrgiziledi. Osylaısha, «Stamp Service» JShS jalpy aýdany 309,7 ga bolatyn 4 saıabaqty, 13 skverdi, 9 býlvardy, bólý jolaqtaryn, qoǵamdyq paıdalaný oryndaryn, Úlken Almaty jáne Esentaı ózenderiniń jaǵalaýlaryn jáne kólik aıryqtaryn tazalaý jáne kútip ustaý jumystaryn júrgizip jatyr.
«Almaty Tazalyq» KMK aýdan aýmaǵy sheginde jalpy uzyndyǵy 272,9 km 6 kólik jol aıryǵy, 263 kóshe men ótpe joldyń jol tósemin tazalaý jumystaryn júrgizedi. Budan basqa, aýdany 456 678 sh. m. 180,9 km trotýarlardy mehanıkalandyrylǵan jáne qolmen tazalaý júrgiziledi. 7 birlik arnaıy tehnıka, 28 jumysshy jumyldyryldy.
«Eýrazııakazınvest» JShS 7 jer ústi jáne 12 jerasty jaıaý júrginshiler ótkelderin kútip ustaýdy júzege asyrady. Aýlalardy kútip ustaýmen «ABS-LD Stroı» JShS, «Avan Qurylys» JShS, «Almaty dormehanızasııa» JShS, «Senim Group Construction» JShS sııaqty aýdannyń merdigerlik uıymdary kún saıyn 670 aýlaishilik aýmaqty sanıtarlyq tazalaýmen aınalysady.
Sonymen qatar Almaty qalasy kommýnaldyq ınfraqurylymdy damytý basqarmasy basshysynyń orynbasary Janat Jaqypbektiń aqparaty boıynsha, kúndizgi kezeńde tehnıkanyń kóshelerdi tazalaýǵa shyǵýy 600-ge jýyq birlikti jáne 800 jol jumysshysyn, túngi aýysymda 220 birlik tehnıkany jáne 250-ge deıin jol jumysshysyn quraıdy. 9 merdiger uıymnyń kúshimen «Almaty tazalyq» MKK-nen basqa jalpy uzyndyǵy 2,7 myń km-den asatyn 2318 kósheden sanıtarlyq tazalaý júrgiziledi. Qysqy kezeńge aýmaqtarǵa qyzmet kórsetý úshin 841 birlik tehnıka daıyndaldy, joldar men trotýarlardy tazartýǵa 1400 jol jumysshysy tartylatyn bolady.
