Aırandaı uıyp otyrǵan elmiz

Allaǵa shúkir, biz óz Prezıdentimizdi besinshi márte saılap, halyqtyń  kóńili jaılanǵan kúnge de jetip otyrmyz. Osydan 20 jyl buryn Qazaqstan halqy Assambleıasynyń qurylýy – bizdiń ortaq Otanymyzdaǵy birlik pen berekeni saqtaýdyń  teńdessiz qurylymy  edi. «Qazaqstan halqy As­sambleıasy naǵyz halyqtyq ınstıtýt. Atalmysh uıym­nyń Táýelsiz Memleketter Dostastyǵy elderinde bolsyn, álemde bolsyn, balamasy joq. Onyń basty artyqshylyǵynyń konfessııaaralyq jáne etnosaralyq ǵajap úılesimdilikti ornatýynda ekendigine eshkim shek keltire qoımas, sirá. «О́zgeni de ózińdeı qabylda, basqaǵa ózińe jasaǵanyn qalamaıtyn jamandyqty jasama, – bul qarapaıym shyndyq. Bizde, Qazaqstanda jaqsy ómir súrýge barlyq múmkindikter bar. Assambleıa shaqyratyn jol – bul gúldenýdiń joly, bolashaqtyń joly», – degen Elbasynyń sózinen bárin ańǵarýǵa bolady. Ras, Qazaqstan Respýblıkasy memlekettik Táýelsizdik alýymen úlken jeńiske jettik. Bul jeńis bizden qýatty kúsh pen úlken shydamdylyqty talap etti. Barlyq qaıta qurýlarǵa qaramastan, qazaqstandyqtar eńseli memlekettiń joǵary deńgeıge kóterilý jolynda saıası, áleýmettik, ekonomıkalyq kataklızmderdiń barlyǵynan moıymaı ótti. Osyndaı barlyq synaqtarǵa shydap, jeńiske jetý úshin Tuńǵysh Prezıdentimiz – Elbasy Nursultan Ábishuly Nazarbaevqa degen halyqtyń úlken senimi negizgi qoldaý boldy. О́ıtkeni, eli úshin bar jaýapkershilikti alyp, memleketimizdi nyǵaıtyp, ataq-abyroıyn asqaqtatyp, ósip-órkendeı berýine, halyqtyń baı-qýatty bolýyna  aıanbaı ter tógetin bir ǵana adam bar. Ol – NAZARBAEV! Memleket basshysy óz eliniń patrıoty retinde elimizdiń bolashaǵyn bıikten kórip, sol bıik belesterdi baǵyndyrý jolynda aıanbaı eńbek etýde. Halyq aıtqandaı, bizdiń Prezıdent sııaqty adam 100 jylda bir-aq ret týylady.  Nursultan Nazarbaevty – jahandyq ıadrolyq qarýǵa qarsy qozǵalystyń bastamashysy, onyń bitimgeri, saıası grossmeıster, ıntegrasııalyq úderisterdiń uıytqysy, qozǵaýshy kúshi, ıdeıalardyń generatory dep ataıdy, al eń negizgisi oǵan halyq sengenin, orasan zor senim artqanyn osy besinshi ret saılanýymen bildirdi. Memleketimizge basshylyq jasaǵan jyldar ishindegi Nursultan Nazarbaev usynǵan qaı ıdeıany alyp qarasańyz da, ýaqyt óte kele Elbasy bastamalary ózekti bolyp, basty qajettilikke aınalady, qazirgi álemniń talaptaryna jaýap beredi, ol saıası, ekonomıkalyq, áskerı, aımaqtyq, dinı jáne basqa da halyqaralyq uıymnyń negizgi baǵytyna aınalady. Aırandaı uıyp otyrǵan elimiz ata-babalarymyz ańsaǵan qazaq jerin Jeruıyqqa aınaldyryp, Máńgilik El bolyp, búkil álemge pash etkizdi. Nursultan Ábishulynyń eren eńbeginiń bir ushtyǵyn ǵana atap óttim. El bıleý ońaı emes, Patsha  Jaratqannyń jerdegi kóleńkesi dep te beker aıtpaǵan. Ony  mindetti abyroımen alyp júrý de ońaı emes. Elbasynyń halqyna degen minsiz qyzmetiniń bir baǵasyn myna sózden-aq bilýge bolady, Dúıim jurt «Nazarbaev dese – Qazaqstan» dep, «Qazaqstan dese – Nazarbaev» dep bekerden-beker  aıtpaıdy. Egiz uǵym – elin ádildikpen bılegen eńbegine qurmeti, halyqtyń senimi. Jaratylysynan bir týar Ul, sarqylmaıtyn tabıǵı daryn ıesi, dinine berik, rýhanı baılyǵy mol Nursultan Ábishuly Nazarbaevqa basymdy ıip óz alǵysymdy bildiremin! Lıýdmıla HOChIEVA, QHA Keńesiniń múshesi, Qazaqstannyń eńbek sińirgen qaıratkeri.