Bul saılaýǵa halyq rýhanı, saıası turǵydan ósip, birtutas bolyp jetti

29 sáýir kúni Elbasyn ulyqtaý rásimi ótti. Biz zalda otyrdyq. Táýelsizdik saraıy adamǵa lyq toly boldy. Saılaýda halyq Elbasyna qalaı qoldaý kórsetse, ulyqtaýda da respýblıkanyń túkpir-túkpirinen jınalǵan el dúrildegen qoldaýyn kórsetip otyrdy. Taǵy bir aıtatyn nárse, osy saltanatqa túskennen keıin bizge alynbaıtyn asý joqtaı kórindi. Elbasynyń sózi de órshil, kúreskerlik rýhta alǵa qoıǵan maqsattarǵa jetemiz degen senimde shyqty. Memleket basshysy kisi óte joǵary rýhta sóıledi. Ulyqtaý rásimi kóterińki kóńil kúıde óte tamasha ótti. Biz Qazaqstan Prezıdentiniń saılaý ýchaskesine baryp óz tańdaýymyzdy jasadyq. Árıne, tańdaýymyz Nursul­tan Nazarbaev boldy. Buǵan eki sebep bar. Sońǵy 22-23 jyldaǵy bizdiń ómirimiz tynysh boldy. Qazaqstanda beıbitshilik pen turaqty damý boldy. Qazir «Qazaq handary» degen 10 serııaly tarıhı kórkem fılmniń ssenarııin jazyp, aıaqtap qaldyq. Tarıhty aqtarǵanymyzda, qazaq qazaq bolǵaly, V ǵasyrdyń ortasynan beri, ásirese, alǵashqy ǵasyrda jyl saıyn deý­ge bolady, qazaqqa jer betinen joıylyp ketý qaýpi tóngen eken. О́ıtkeni, ony óńsheń jaý memleketter qorshap otyrdy. Ulan-baıtaq jerimizden aıyrylyp qalmaý maqsatynda únemi qyrǵyn zamandy bastan keshirip otyrdyq. Al endi qazaq qalaı aman qaldy? Neniń arqasynda búgingideı zamanǵa jetti? Buǵan jetkizgen – handar men halyqtyń birligi. Barlyq qasiretten qazaqty alyp shyqqan tek birlik boldy. Joǵarydaǵy ssenarııdi jazý barysynda qyzyq málimetterge tap boldyq. Ol dál sol Kereı Jánibek, olardyń balalary Muryndyq, Qasymnyń tusyndaǵy Qazaq han­dy­ǵynyń syrtqy saıasaty beıbitshil bolǵan eken. Beıbit kórshilikti ustanǵan. Eń qyzyǵy, sol saıasat áli kúnge deıin jalǵasýda. Adam tańǵalarlyq jaǵdaı. Áıtpese, M.Dýlatı jazbaqshy, Joshydan keıin eń qudiretti han Qasymhan boldy deıdi. О́ıtkeni, onyń qol astynda 300 myń áskeri bolǵan. Sol 300 myń áskerdi basqynshylyq baǵytta, óz zamandasy Muhammed Shaıbanı sııaqty maqsatta paıdalanǵan bolsa, onda sol kezdiń ózinde bul tóńirektegi álem kartasy ózgerip ketetin túri bar eken. Sebebi, ondaı qudiretti ásker sol jyldary Eýrazııa keńistiginde bolmaǵan. Onyń esesine, elimiz eldigi men óz jerin saqtady. Sol saıasat búginge deıin jalǵasýda. Ásirese, táýelsizdik tusyndaǵy Qazaq­stannyń ashyq ta aıqyn saıasa­ty beıbitshilik boldy. Sonyń arqasynda esh elmen janjal bolǵan joq. Qazaqstannyń óz ishindegi ulttar men ulystar arasynda kıkiljiń týyndamady. Bul – álem tańǵalarlyq saıasat. Áıtpese, sońǵy 22 jylda bul tóńirekte qan maıdanǵa kirip shyqpaǵan halyqty tabý qıyn. Bizdiń negizgi baılyǵym da – turaqtylyq, beıbitshilik, tatý kórshilik. Biz osy baǵytta eldi basqaryp kele jatqan, álemge áıgili Kóshbasshymyzdy saıladyq. Sodan keıin osy saılaýdyń burynǵy saılaýlardan úlken bir ereksheligi boldy. 90-jyldardyń basynan beri halyq saılaýǵa belsene aralasyp keledi. Dál osy saılaýda halyqtyń aýyzbirligi kórinis berdi. Nursultan Nazarbaevtyń saıasatyn aıqyn qoldaý kórinis berdi. Iаǵnı, esh daý-janjalsyz, halyq saılaý ýchaskelerine kimdi saılaıtyndaryn bilip bardy. Jalpy, osy jyldarda Qazaqstannyń birtutas halqy qalyptasty deýge de bolady. Áıtpese, Keńes Odaǵy qula­ǵannan keıin eń birinshi alasapyran el Qazaqstan bolady dep boljam aıtqan eýropalyq sarapshylardy da bilemiz... Elimiz sol tar jol, taıǵaq keshýden ótti. Osy saılaýǵa saıası turǵydan da, rýhanı turǵydan da ósip, birikken birtutas elge aınalyp jetti. Bul saılaýdyń eń úlken jeńisi osy!  Smaǵul ELÝBAI, Qazaqstannyń eńbek sińirgen qaıratkeri. ALMATY.