Respýblıkanyń basym bóligine soltústik sıklon áser etedi. Sondyqtan turaqsyz aýa raıy kútiledi.
Elimizdiń shyǵysynda qatty qar jaýady, burqasyn kútiledi.
Ońtústik óńirlerde jańbyr sońy qarǵa ulasady, taýly aýdandarda qatty jaýyn-shashyn jaýady.
Shyǵys, ońtústik jáne ortalyq aımaqtarda kóktaıǵaq bolady dep boljanyp otyr.
Eldiń batysy men soltústik-batysynda jaýyn-shashynsyz aýa raıy kútiledi.
- Aýa temperatýrasy túnde eldiń batysynda 5-13 gradýs aıazǵa deıin, soltústik-batysta 13-25 gradýs aıazǵa deıin, elimizdiń soltústiginde 20-25 gradýs aıazǵa deıin, Qazaqstannyń ortalyǵynda 15-28 gradýs aıazǵa deıin, respýblıkanyń shyǵysynda 18-26 gradýs aıazǵa deıin, ońtústik jáne ońtústik-shyǵys óńirlerde 8-21 gradýs aıazǵa deıin birtindep tómendeıdi, - dep jazylǵan habarlamada.
