Elimizdiń eń úzdik mánerlep syrǵanaýshysy qysqa baǵdarlamada 91,26 upaı jıyp, úshinshi orynǵa taban tiredi. Ol tek 2023 jylǵy álem chempıonatynyń qola júldegeri, 2024 jylǵy álem chempıony, ISU reıtınginiń kóshbasshysy, amerıkalyq Ilıa Malının (105,43 upaı) men Beıjiń Olımpıadasynyń kúmis (jekelegen esepte), qola (komandalyq esepte) júldegeri, dúnıejúzilik dodanyń úsh dúrkin fınalısi, japonııalyq Iýma Kagııamadan (93,49 upaı) qalyp qoıdy.
Kelesi kúni erkin baǵdarlama boıynsha saıystar ótti. О́kinishke qaraı, sheshýshi synda Mıhaıl óz deńgeıinde óner kórsete almady. Bul joly biraz qatelikter jiberdi. Nátıjesinde, 162,49 upaıdy (qorytyndy upaıy – 253,75) qanaǵat tutqan Shaıdorov besinshi orynda qalyp qoıdy. Desek te jerlesterimizdiń osy bási bólek básekege tuńǵysh ret qatysyp otyrǵanyn eskersek, osynyń ózin táýir kórsetkish dep baǵalaǵan jón.
Jarystyń bas júldesin Ilıa Malının (282,12 upaı) oljalasa, Iýma Kagııama (281,72 upaı) kúmispen kúpteldi. Al qola medaldy Japonııanyń taǵy bir syrǵanaýshysy, álem chempıonatynyń qola júldegeri Sıýn Sato (270,82 upaı) ıelendi.
