Bıyl «Zerdeli» ortalyqtary men mektepter jelisiniń qurylǵanyna 10 jyl toldy. Osy aralyqta Astana, Almaty, Shymkent qalalary men oblystarda 7 mektep, 48 ortalyq ashylǵan. Onyń negizin qalaýshy, úzdik pedagog – Yrysbek Máýit. Onyń aıtýynsha, qazir bul mektepter men ortalyqtarda 20 myńnan asa oqýshy bilim alyp, 1 200 muǵalim eńbek etedi.
«Meniń maqsatym – balalarǵa matematıka men IT jáne aǵylshyn tilin tereńdetip oqytyp, qazaq tilinde bilim berip, ulttyq tárbıeni boıǵa sińiretin «úzdik 50 mektep ashý». Ásirese Nazarbaev zııatkerlik mektebi syndy úzdikterge ashyq báseke ornatyp, bilim salasynyń damýyna úlesimdi qossam deımin», dedi ol.
Sondaı-aq «Zerdeliniń» negizgi qyzmetiniń biri – avtorlyq oqýlyqtar shyǵarý. Osy baǵytta «Zerdeli» baspasy qurylǵan. Búginge deıin atalǵan baspadan júzge jýyq avtorlyq jınaq jaryq kórdi. Kitaptar mazmuny boıynsha matematıka, jaratylystaný, tarıh jáne qazaq, orys, aǵylshyn tili pánderine toptastyrylǵan. Bul eńbekter oqýshylardyń logıkalyq oılaý qabiletin damytyp, olardy olımpıadaǵa ázirlep, joǵary oqý oryndaryna túsýge daıyndaıdy.
Is-shara barysynda qadirli qonaqtar «Zerdeli» bilim uıymdarynyń on jyl ishinde qol jetkizgen jetistikteri týraly jyly lebizderin bildirdi. «10 jylda jaryq kórgen 100 kitaptyń» lentasyn qıdy. Sonymen birge mazmundy shara sońynda «Zerdeli» mektepterinde qyzmet isteıtin 35 pedagogke Sıngapýrǵa tájirıbe almasýǵa sertıfıkat tabys etildi.
