2009 jyl. Poıyz tún ortasynda bir shaǵyn stansaǵa sál irkilis jasady da, lokomotıv gýdogy bir-eki ret náýmez ysqyryp júrip ketti. Jol jıegindegi shaǵyn aýyldar qaraýytyp kórinedi. Biz Atbasar vokzalyna kelip toqtaǵanda, mańaıda adam az edi, lokomotıv deposy jaqtan eki-úsh adam kórindi. Bireýi vagondardy boılap, beri qaraı aıańdap keledi. Uzyn sapty domalaq balǵamen temir dońǵalaqtardy tyqyldata soǵyp qoıady. Erlan Nyǵmet aǵamen biz osylaı tanystyq. Sodan beri eńbek dese ertteýli attaı daıyn turatyn beınetkesh janmen tipti etene jaqynbyz. Eraǵań 2008 jyly Qarakól aýylynan Atbasar qalasyna kóship kelip, «Ajdar jáne K» vagon jóndeý deposyna jumysqa turypty. Sodan taban aýdarmaı, osy berekeli ujymda on úsh jyl eńbek etti.
El ekonomıkasynyń qalypty damýy úshin irgeli óndiris oryndarynyń sany artyp qana qoımaı, ónim sapasy da jaqsaryp, jumys deńgeıi joǵarylap otyrýy kerek. Mundaı tarazy basyn teń ustaǵan ıgi is-sharalar eki qolǵa bir kúrek izdegen qarapaıym eńbek adamdaryn turaqty jumyspen qamtamasyz etýge sep. Osy oraıda elimizdiń ár aımaǵyndaǵy keńes zamanynda paıdalanýǵa berilip, keıin 90-jyldarǵy topalań kezinde toqtap, toqyrap qalǵan eski óndiris oshaqtarynyń keıbiriniń qaıta túrlenip, jandanyp jatqany kóńil qýantady. Solardyń biri Atbasar aýdanyndaǵy «Ajdar jáne K» vagon jóndeý deposy óńirde órken jaıǵan kásiporyndardyń biri.
– О́ndiris oshaǵy burynǵy vagon jóndeý deposynyń ornynda paıda bolǵan. Kásiporyn júk vagondaryna qajetti irili-usaqty bólshekter men toraptardy daıyndaýǵa mashyqtanǵan, júk vagondaryn jóndeýdiń tolyq sıklin qamtıdy. Depoda árbir aýysym saıyn 7 júk vagonyna josparly jóndeý júrgizilse, 4-5 vagon kúrdeli jóndeýden ótkiziledi. Osy salada uzaq jyl jumys istep, mol tájirıbe jınaýyma qamqorlyq jasaǵan Ajdar Taıshytaev aǵamyzǵa alǵys aıtamyn, – deıdi Erlan Nyǵmet.
Salystyrmaly túrde aıtsaq, elimizde 2010-jyldary nebári 12 vagon jóndeý kásiporny bolsa, búginde olardyń sany 30-ǵa jetip jyǵyldy. Bıyl kúzde bul qatarǵa taǵy bir óndiris oshaǵy qosyldy. Atbasardaǵy Lokomotıv qurastyrý zaýytynyń kapsýlasy salyndy. Mashına jasaý – ındýstrııalandyrýdyń negizgi dińgegi. О́ıtkeni ekonomıkanyń ózge baǵyttary dál osy salaǵa táýeldi. Mashına jasaý agroónerkásip, energetıka, metallýrgııa, kólik sekildi irgeli sektorlardyń jumysyn jandandyryp otyr. Temirjol – osy salanyń úlken bir bóligi.
– Qazir «Qamqor Lokomotıv» JShS-nyń Atbasar elektrovoz jóndeý zaýytynda qatardaǵy jumysshy bolyp eńbek etemin. Bir kún tolyq jumys istep, eki kún demalamyz. Munda jumysqa kirgenime de eki jyldan asty. Jalaqymyz jaqsy, ýaqytynda beriledi. Buǵan qosa kompanııa tarapynan saýyqtyrýǵa aqsha tólenedi, merekelerde syıaqy berip turady, – deıdi ol.
Osy oraıda aýdandy alǵa tartyp otyrǵan temirjol kásiporyndaryn atap aıtar bolsaq, olardyń ishinde Atbasar elektrovoz jóndeý zaýyty, «Ajdar jáne K» vagon jóndeý kásiporny, «Atbasartehnopark» servıstik seriktestiginiń orny bólek. Qazir bul kásiporyndar júk vagondarynyń barlyq túrin sapaly jóndep qana qoımaı, qajetti bólshekterdi de shyǵara alatyn jaǵdaıǵa jetti. Mine, osy jetistikterdiń bárinde qarapaıym jumysshylardyń aıqyn qoltańbasy bar.
Atbasar elektrovoz jóndeý zaýyty qyzmetkerleriniń aıtýynsha, ýaqyt talabyna saı bolý úshin salaǵa serpin beretin tyń jańalyqtardy únemi engizip otyrý kerek. Sol maqsatpen aldaǵy ýaqytta munda vagondardy jóndeýdiń tolyq aınalymyn júzege asyrý josparlanyp otyr. Atbasardaǵy depolardyń halyqqa tıgizip otyrǵan paıdasy zor, óńirdiń negizgi ekonomıkalyq áleýetin ustap tur dep batyl senimmen aıtýǵa bolady.
«Erinbegen adamǵa jumys tabylady. Álbette, qol jumysynyń ońaıy joq. Bizdiń jumys ta aýyr eńbekke jatady. Basqa mezgildi aıtpaǵanda, qystyń qyraýly kúnderi, saqyldaǵan sary aıazda kók temirmen alysý jeńil jumys emes. Biraq soǵan saı, óz rızyǵy bar kásip. Bázbireýler «qazaqtyń temir men tehnıkaǵa ıkemi joq» dep aıtyp jatady. Qatelesedi. Bizdiń darhan usta ata-babalarymyz da bolat balqytyp, temir qorytýdan kende bolmaǵan», deıdi E.Nyǵmet.
Japondarda bir salada uzaq jyl turaqty isteıtin mamandarǵa degen qurmet joǵary bolady eken. Keıipkerimiz Erlan Nyǵmet sekildi osy salada buljymaı tór tegip kele jatqan eńbek adamdary elengeni jón. Memleket basshysy Q.Toqaev bıylǵy Joldaýynda keler 2025 jyldy «Jumysshy mamandyqtary jyly» dep jarııalady. «Osy ýaqyt ishinde tehnıkalyq jáne kásibı bilim berý júıesin reformalaý qajet. Ári biz jumysshy mamandyqtaryn dáripteý arqyly qoǵamda eńbekqor jáne naǵyz maman bolý ıdeıasyn nasıhattaımyz», dedi Prezıdent. Iаǵnı qoǵamda eńbekqorlyq, kásibılik sııaqty qasıetter óte joǵary baǵalanyp, dáriptelýi tıis.
