О́ziniń aıtýyna qaraǵanda, órt sóndirýshige kásibı biliktiligin ǵana emes, sporttyq babyn shyńdaý qajet. Sol sebepten, ol sporttyń paýerlıftıng jáne grepplıng túrin serik etip júr. Osy kezge deıin sport sheberi normasyn oryndaǵan. Máselen, paýerlıftıngten álem chempıony, Azııa chempıonatynyń qola júldegeri atanǵan.
Jaqynda ol kómir tıelgen 94 tonnalyq vagondy súıredi. Endi salmaǵy 120 tonna bolatyn 5 vagondy súıreýdi maqsat etip júr. Eger bul oıy iske assa, elimizde jańa rekord tirkelýi múmkin.
– Sport – meniń hobbıim. Burynnan aýyr salmaq kóterýge qyzyǵatyn edim. Sol maqsatymdy oryndap júrmin. Aldaǵy ýaqytta shákirt tárbıelep, osy salada chempıondar daıarlaýdy kózdedim. Jattyqtyrýshym Aleksandr Lıtvınov jeńiske talpyndyratyn keńesin berip keledi, – deıdi E.Bralın.
Bala kúninen qazaqsha kúres, gir tasyn, qoı kóterý sekildi jarystarǵa jıi qatysqan. Qazir qaıratty jigit aptasyna úsh ret úsh saǵattan jattyǵady. Sonyń nátıjesinde 141 kılo tasty erkin kóteredi. Armatýrany ıedi.
Byltyr Mańǵystaý oblysynda ótken «Tolaǵaı» atty alyptar saıysynyń jeńimpazy bolǵan. Sol saıysta bir mınýtta salmaǵy 141 kılo tasty kóterip, qashyqtyqqa apardy. Uzyndyǵy 80-150 sm, dıametri 14-16 mm armatýrany moıynǵa qoıyp ıdi. Al uzyndyǵy 2-3 metr, salmaǵy 500 kılo arbany súırep, salmaǵy 10 kılo aǵash naızany alysqa laqtyrdy.
Atyraý oblysy
