Foto: Ashyq derekkóz
Bas prokýratýranyń habarlaýynsha, Qosshy qalasy jáne oǵan irgeles aýmaq qaldyqtardy tógý úshin ruqsat berilmeıtin aımaqtarǵa, ıaǵnı Astananyń halyqaralyq áýejaıynan 30 shaqyrymda ornalasqan aımaqtarǵa kiredi. Osyǵan baılanysty qala mańynda QTQ-ny suryptaýǵa jáne kómýge tyıym salynǵan.
«О́z kezeginde merdiger uıym QTQ-ny Qosshy qalasynan 50 shaqyrymnan astam qashyqtyqta ornalasqan Astana qalasynyń polıgonyna tasymaldaǵan. Bul rette QTQ-ny Astana qalasynyń polıgonyna deıin tasymaldaý men olardy ótkizý shyǵyndarynyń ornyna QTQ-ny suryptaý men kómýge arnalǵan shyǵyndar tarıfke negizsiz engizilgen», delingen habarlamada.
Sol sebepten Qosshy qalasy prokýratýrasynyń qadaǵalaý aktisi boıynsha shyǵyndardy qaıta esepteý júrgizilip, nátıjesinde jeke (532 teńgeden 482 teńgege deıin) jáne zańdy (575 teńgeden 527 teńgege deıin) tulǵalar úshin ortasha ólshengen tarıf quny 50 teńgege tómendegen.
Jalpy qabyldanǵan sharalardyń nátıjesinde, 37 myń tutynýshy (onyń ishinde 200 bıznes sýbektileri) úshin bir jyldyq únem 22,2 mln teńgeni qurady.
