Qazaq memlekettik qyzdar pedagogıkalyq ýnıversıtetinde belgili mýzykatanýshy, kompozıtor, professor О́mirbek Baıdildaev atyndaǵy V qalalyq «Týǵan el» patrıottyq ánder baıqaýy márege jetti.
Qalalyq án baıqaýyna Abaı atyndaǵy QazUPÝ-diń, T.Júrgenov atyndaǵy óner akademııasynyń, J.Elebekov atyndaǵy Almaty estrada-sırk óneri men P.Chaıkovskıı atyndaǵy Almaty mýzykalyq kolledjiniń jáne t.b. oqý oryndarynyń stýdentteri qatysyp, baqtaryn synady. Baıqaýǵa Qazaqstannyń eńbek sińirgen ártisi, «Qurmet», «Parasat» ordenderiniń ıegeri Maıra Ilııasova bastaǵan óner qaıratkerleri qazylyq jasady.
Qalalyq deńgeıde ótken baıqaýdy ashqan rektor apparatynyń jetekshisi Sanat Aınaqulov: «О́mirin ónerimen órnekteı bilgen О́mirbek Baıdildaev bizdiń ýnıversıtette Mýzyka teorııasy jáne tarıhy kafedrasynyń meńgerýshisi bolyp qyzmet atqardy. Sol jyldary mýzyka mádenıetiniń tarıhy men teorııasyn qalyptastyrýǵa ólsheýsiz úles qosyp, kóptegen ánderimen baǵa jetpes mura qaldyrdy. Onyń halyq arasynda keń taraǵan «Týǵan el», «Qazaqstan saltanaty», «Almatym – astanam», «Qımaımyn seni», «Aýyl keshi», «Maı jyry», «Qyz ben jigit aıtysy», «Jańa jyl keshinde», «Sulý eken Almatynyń qyzdary» jáne t.b. sátti týyndylary – qazaq saz óneriniń qoryna qosylǵan ózindik mol mura. Bul baıqaý jastardy otansúıgishtikke baýlyp, týǵan til men ónerge qyzyǵýshylyqtaryn arttyrary sózsiz», dedi.
Baıqaý qorytyndysy boıynsha Bas júldege T.Júrgenov atyndaǵy Qazaq ulttyq óner akademııasynyń III kýrs stýdenti Meırambek Taǵanov ıe boldy. I oryndy T.Júrgenov atyndaǵy Qazaq ulttyq óner akademııasynyń stýdentteri – Estrada-vokal mamandyǵynyń 1-kýrs stýdenti Azamat Amangeldiuly, Mýzykalyq drama ártisi mamandyǵynyń 3-kýrs stýdenti Aıdar Aqypbaev jáne P.Chaıkovskıı atyndaǵy Almaty mýzykalyq kolledjiniń Akademııalyq án salý bóliminiń 4-kýrs stýdenti Meıirbek Balnur ıelendi. Tórt úzdik oryndaýshy, sonymen qatar, Maıra Ilııasovanyń «Saǵyndyrǵan ánder-aı» konsertine qatysýǵa múmkindik aldy. Bul joldama jas ánshilerdiń úlken sahnaǵa shyǵýyna, baqtaryn synaýǵa, tanymal ánshi bolýǵa septigin tıgizeri sózsiz.
Barlyq jeńimpazdar dıplomdarmen jáne aqshalaı syılyqtarmen marapattaldy. Atalmysh shara sońynda baıqaýǵa demeýshilik kórsetken О́mirbek Baıdildaevtyń shákirti Gúlnar Chımbaeva rektordyń Alǵys hatymen marapattaldy.
Aınash ESALI,
«Egemen Qazaqstan».
ALMATY.
Qalalyq án baıqaýyna Abaı atyndaǵy QazUPÝ-diń, T.Júrgenov atyndaǵy óner akademııasynyń, J.Elebekov atyndaǵy Almaty estrada-sırk óneri men P.Chaıkovskıı atyndaǵy Almaty mýzykalyq kolledjiniń jáne t.b. oqý oryndarynyń stýdentteri qatysyp, baqtaryn synady. Baıqaýǵa Qazaqstannyń eńbek sińirgen ártisi, «Qurmet», «Parasat» ordenderiniń ıegeri Maıra Ilııasova bastaǵan óner qaıratkerleri qazylyq jasady.
Qalalyq deńgeıde ótken baıqaýdy ashqan rektor apparatynyń jetekshisi Sanat Aınaqulov: «О́mirin ónerimen órnekteı bilgen О́mirbek Baıdildaev bizdiń ýnıversıtette Mýzyka teorııasy jáne tarıhy kafedrasynyń meńgerýshisi bolyp qyzmet atqardy. Sol jyldary mýzyka mádenıetiniń tarıhy men teorııasyn qalyptastyrýǵa ólsheýsiz úles qosyp, kóptegen ánderimen baǵa jetpes mura qaldyrdy. Onyń halyq arasynda keń taraǵan «Týǵan el», «Qazaqstan saltanaty», «Almatym – astanam», «Qımaımyn seni», «Aýyl keshi», «Maı jyry», «Qyz ben jigit aıtysy», «Jańa jyl keshinde», «Sulý eken Almatynyń qyzdary» jáne t.b. sátti týyndylary – qazaq saz óneriniń qoryna qosylǵan ózindik mol mura. Bul baıqaý jastardy otansúıgishtikke baýlyp, týǵan til men ónerge qyzyǵýshylyqtaryn arttyrary sózsiz», dedi.
Baıqaý qorytyndysy boıynsha Bas júldege T.Júrgenov atyndaǵy Qazaq ulttyq óner akademııasynyń III kýrs stýdenti Meırambek Taǵanov ıe boldy. I oryndy T.Júrgenov atyndaǵy Qazaq ulttyq óner akademııasynyń stýdentteri – Estrada-vokal mamandyǵynyń 1-kýrs stýdenti Azamat Amangeldiuly, Mýzykalyq drama ártisi mamandyǵynyń 3-kýrs stýdenti Aıdar Aqypbaev jáne P.Chaıkovskıı atyndaǵy Almaty mýzykalyq kolledjiniń Akademııalyq án salý bóliminiń 4-kýrs stýdenti Meıirbek Balnur ıelendi. Tórt úzdik oryndaýshy, sonymen qatar, Maıra Ilııasovanyń «Saǵyndyrǵan ánder-aı» konsertine qatysýǵa múmkindik aldy. Bul joldama jas ánshilerdiń úlken sahnaǵa shyǵýyna, baqtaryn synaýǵa, tanymal ánshi bolýǵa septigin tıgizeri sózsiz.
Barlyq jeńimpazdar dıplomdarmen jáne aqshalaı syılyqtarmen marapattaldy. Atalmysh shara sońynda baıqaýǵa demeýshilik kórsetken О́mirbek Baıdildaevtyń shákirti Gúlnar Chımbaeva rektordyń Alǵys hatymen marapattaldy.
Aınash ESALI,
«Egemen Qazaqstan».
ALMATY.
