Ulttyq baıandama tanystyryldy

Mádenıet jáne aq­parat mınıstr­liginiń Jastar jáne otbasy isteri komıte­ti tóraǵasynyń orynbasary Bir­jan Álimjanov sóz basyn­da jastar saıasatyn iske asyrý­dyń negizgi baǵyttary men damý perspektıvalary týraly aıtty. Onyń aıtýynsha, jastar saıasatynyń mańyzdy mindeti jastardyń sapaly bilim alýy men kásibı ósýine múmkindik berip, jaǵdaı jasaý qajet.

О́z kezeginde «Jastar» ǵy­lymı-zertteý ortalyǵynyń dı­rektory Aısulý Ernııazova búgingi jastar saıasattyń obek­tisi ǵana emes, eldiń transformasııasyna eleýli úles qosa alatyn belsendi sýbek­tisi bolyp otyrǵanyn alǵa tartty. Onyń pikirinshe, jastar arasynda buryn zerttelmegen úrdisterdi anyqtaıtyn pánaralyq zertteýler júr­gizý mańyzdy. Bul olardyń quzyretterin damytýǵa, báse­ke­ge qabilettiligin arttyrýǵa jáne ózderin júzege asyrýǵa qolaıly jaǵdaı jasaýǵa yq­pal etpek.

Zertteýshi, PhD Elmıra Otar bilim sapasyn jaqsar­týǵa yqpal etetin resýrs­tar­dy neǵurlym teń jáne qol­jetimdi bólýge jaǵdaı ja­saý­dyń mańyzyna toqtaldy. Bu­ǵan oqytýdyń ınnovasııa­lyq tásilderin engizý, bilim berý mekemeleriniń materıaldyq-tehnıkalyq bazasyn jaqsar­tý jáne sıfrlyq tehnologııa­lardy damytý kiredi.

Sondaı-aq «Eurasian Resources Group» kompanııa­­sy­nyń jastar saıasaty jónin­degi menedjeri Ilıas Qudabaev jas­tardyń mansaptyq tańdaý­la­ry men olardyń kásibı baǵ­da­ryn anyqtaıtyn faktorlardy ­eskerý qajettigin aıtty.

«Stýdentterdiń shamamen 30%-y aldaǵy birneshe jylda bir kompanııada jumys istegisi keletinin bildirse, tórtten biri jeke bıznesin ashýdy josparlaıdy. Mamandyǵyna sáıkes jumys isteýden bas tartýdyń basty sebepteri – jumys prosesiniń monotondyǵy, ká­sibı qyzyǵýshylyqtyń tó­mendigi jáne eńbekaqynyń azdyǵy», dep atap ótti ol.

Al MIND ǵylymı-taldaý ortalyǵynyń syrtqy saıasat jáne halyqaralyq zertteýler baǵdarlamasynyń jetekshisi Mıras Jıenbaev memlekettiń syrtqy damý strategııasyn qalyptastyrýdaǵy jastardyń róline nazar aýdardy. Onyń aıtýynsha, jastar jańa kózqarasqa, ınnovasııalyq oılaýǵa jáne jahandyq trendter týraly tereń bilimge ıe bola otyryp, syrtqy saıasatqa tıimdi tásilderdi ázirleýge aıtarlyqtaı úles qosa alady.

Talqylaýǵa qatysqan jas­tar men sarapshylar zaman­dastarynyń bolashaqqa degen kózqarasy men olardyń belsendi qatysýynyń ma­ńyz­dylyǵyn atap ótti. Olar­dyń oı-pikiri bir arnaǵa to­ǵysty. Aıtýynsha, jastar saıa­saty salasynda tıimdi she­shimder ázirleý úshin osyn­daı saraptamalyq talqy­laý­lardyń sanyn arttyrý qa­jettigin qoldap, oń pikirlerin bildirdi.