Otandyq ónimdi naqty qoldaý

Úkimet músheleri aımaqtardy aralap júr. Maqsat – otandyq bıznesti qoldaý, ózimiz óndirgen ónimdi demeý. Myna qıyn kezeńde memleket kásipkerlerge jan-jaqty qoldaý kórsetpek. Bul jumys oryndarynyń jabylyp, adamdardyń jumyssyz qalmaýy úshin jasalyp jatqan naqty qadam. Sondyqtan ulttyq kompanııalar jergilikti kásipkerlermen memorandýmǵa otyryp, bir-birine septesip jumys istemek. Keshe Premer-Mı­nıs­tr­diń birinshi orynbasary Ba­qyt­­jan Saǵyntaev jumys sa­pa­ry­­men Qyzylorda obly­syn­da boldy. Aldymen oblys ákimdiginde ornalasqan sıtýasııalyq orta­lyqtyń jumysymen tanys­ty. Munan soń birinshi vıse-pre­mer ortalyq memlekettik or­gandar, ulttyq kompanııa­lar basshylarynyń jáne bıznes qaýymdastyq ókilderiniń qatysýymen otandyq taýar ón­di­rýshilerdi qoldaý máseleleri boıynsha keńes ótkizdi. Qazirgi daǵdarys kezinde mańyzdy mindetterdiń biri shetel­dik ınvestısııalardy tartý. Elbasy «Nurly Jol» – bola­shaqqa bastar jol» atty bıylǵy Joldaýynda sheteldik qarjy uıymdarymen tyǵyz qarym-qatynasta jumys isteýdi tapsyrdy. Osy oraıda Eýropa qaıta qurý jáne damý bankimen jalpy quny 63 mıllıard teńge bolatyn 8 jobaǵa qol qoıǵan Qyzylorda oblysynyń tájirıbesi basqa aımaqtarǵa úlgi bolarlyqtaı, dep atap ótti B.Saǵyntaev. – Álemdik naryqqa shyǵý úshin básekege qabiletti ónim shyǵarý kerek. Memleket jan-jaqty qoldaý kórsetetin bolady, degenmen sizder de sapaly ónim óndirip, básekege tótep bere alýlaryńyz shart, – dedi birinshi vıse-premer. Keńes qorytyndysy boıynsha Qyzylorda oblysy ákimdigi, ulttyq kompanııalar men jergilikti taýar óndirýshiler arasynda jalpy quny 39 mıllıard teńge bolatyn birqatar memorandýmdarǵa otyrdy. Kelisimge «Qaz­Atom­Prom», «QazMunaıGaz» jáne «Qazaqtelekom» aksıonerlik qoǵamdary qol qoıdy. Sondaı-aq, Qyzylorda obly­­sy­nyń ákimdigi men júıe qu­raıtyn kásip­oryndar jumys oryndaryn saqtaý jáne óndiristik úderisterdi tu­raq­tandyrý boıynsha memoran­dýmdar jasasty. Úshjaqty kelisimge Qyzylorda oblysy ákimdigi, oblystyq kásipodaq jáne «Petro Qazaqstan Qumkól Resorsız» AQ, «QazGerMunaı» JShS, «Araltuz» AQ, «Abzal jáne K» JShS, «Janros Drıllıng», «Sıbý» jaýapkershiligi shekteýli seriktestikteri qol qoıdy. Budan keıin, Premer-Mı­nıstrdiń birinshi orynbasary ma­man­dan­dyrylǵan halyqqa qyzmet kórsetý ortalyǵynda boldy. Erjan BAITILES, «Egemen Qazaqstan». QYZYLORDA.