2023 jyly zaýyt quıý sehyn aýqymdy qaıta qurýdy júzege asyrdy. Sonyń nátıjesinde óndiris avtomattandyrýdyń jańa deńgeıine kóterildi. Jobany qarjylandyrýdy «О́nerkásipti damytý qory» AQ maquldap, qýaty jylyna 1 000 tonnaǵa deıin jetetin zamanaýı qondyrǵylardy satyp alýǵa jáne 20 jańa jumys ornyn ashýǵa múmkindik berdi.
Jańa jabdyq alıýmınıı qalyptarynda gazdandyrylǵan úlgilerdi quıý óndirisiniń avtomattandyrylǵan óndirisine arnalǵan. Bul zaýytqa kúpshek, ottyq, topsa, jartylaı jalǵastyrǵysh, moıyntirekterdiń korpýsyn jáne qaqpaq, kronshteın, traktordyń qarsy salmaqtardy qosa alǵanda, ónimniń keń aýqymyn shyǵarýǵa múmkindik beredi.
Jańa jabdyqtyń ónimdiligi joǵary: bir mashına saǵatyna 20 sıkldi oryndaýǵa qabiletti. Bir sıklde kólemine qaraı birneshe ondaǵan quıma shyǵarylady. Quımanyń eń az salmaǵy – 800 gramm, al maksımaldy salmaǵy – 250 keli.
Búginde zaýyt quıý ónimderiniń shamamen 25-30 paıyzyn óz qajettilikterine paıdalansa, qalǵanyn úshinshi tarap kompanııalaryna ótkizedi. 2023 jyldyń sońyna qaraı shamamen 500 tonna quıý ónimderin óndirý kútilip otyr – bul 2022 jylmen salystyrǵanda eki ese kóp.
Quıý sehyn qaıta qurý jáne jańa tehnıkany engizý arqyly kásiporyn naryqtaǵy ornyn nyǵaıtyp, otandyq mashına jasaý men aýyl sharýashylyǵynyń damýyna zor úles qosyp keledi. Zaýytta aýyl sharýashylyǵy tehnıkasynyń jańa túrleri jasalyp, óndiris úderisteri jetildiriletin konstrýktorlyq bıýro, zerthana jáne tehnologııa bólimi bar.
Quıý sehyn jańǵyrtý – básekege qabilettilikti arttyrý men elimizde jáne odan tys jerlerde sapaly quıý ónimderine ósip kele jatqan suranysty qanaǵattandyrý úshin jasalǵan qadam. Mundaı jańartý kásiporynnyń tehnologııalyq serpilisine yqpal etip qana qoımaı, aımaqtaǵy mamandardy jańa jumys oryndarymen qamtamasyz etip, jergilikti ekonomıkany nyǵaıtady.
