Máselen, Qyzylorda oblysy Jalaǵash aýdany Mádenıet aýylynyń turǵyndary – Baımahanovtar otbasy taıaýda jergilikti poshtashy Aqnur Ablaıqyzynyń kómegimen tórt balasyna da «Otbasy bankte» depozıt ashty. Endi ár balanyń jınaq qarjysy bar. Otaǵasy Bahytbek Qýandyquly sol arqyly balalarynyń bolashaǵyn oılastyryp, olardyń alańsyz bilim alýyna jaǵdaı jasaýdy kózdeıdi.
«Búgingi jahandaný zamanynda ári naryq bılegen ýaqytta ár ata-ana balasynyń erteńin oılap, olardyń kelesheginiń qamyn qazirden-aq qolǵa alsa, artyq bolmas. Sondyqtan Aqnur Ablaıqyzynyń kómegimen tórt balama arnaıy shot ashtym. Árqaısysyna aı saıyn shama-sharqymyzǵa qaraı qarjy aýdarýdy ádetke aınaldyra bastadyq. «Eń qundy ınvestısııa – balaǵa quıylǵan qarjy» dep tegin aıtylmasa kerek. Búginde mektepte oqyp júrgen ul-qyzdarymyz kózdi ashyp-jumǵansha oqý ornymen qoshtasyp, úlken ómirge qadam basady. Sol tusta ata-anasynyń búginnen bastap tirnektep jınap júrgen qarjysy tirek bolsa eken deımin», deıdi Bahytbek Qýandyquly.
Sóıtip, Baımahanovtar otbasy 12, 10, 8 jáne 6 jastaǵy balalary – Aıhanym, Nurjuma, Zere men Jaýharǵa depozıttik shot ashyp qoıdy. Salymdy da ýaqtyly, turaqty túrde jasap otyr. Sol arqyly olardyń erteńgi ómiriniń kirpishin qalap keledi.
«Balalarǵa depozıt ashpas buryn naryqtaǵy jaǵdaıdy biraz zerdeledik. Nátıjesinde, tańdaýymyz «Otbasy bank» AQ usynǵan ónimderge tústi. Bul banktiń depozıtke aýdarylatyn paıyzdyq mólsherlemesi ózgelerge qaraǵanda anaǵurlym joǵary. Jyl sońynda beriletin 20 paıyzdyq memlekettik syılyqaqy taǵy bar. Depozıtti aýylymyzdan shyqpaı-aq, jergilikti poshta bólimshesine baryp ashtyq. Bul da yńǵaıly. Endi mobıldi qosymsha arqyly kez kelgen ýaqytta qalaǵan somamyzdy aýdara alamyz. Tıimdi tusynyń taǵy biri – osy. Qysqasy, barlyq talap-shart kóńilimizden shyqty. Bolashaqta balalarym jınaq qarjysyn óz ıgilikterine qalaýyna qaraı jumsaı alady», deıdi Bahytbek Qýandyquly.
Baımahanovtar áýletiniń josparyn júzege asyrýǵa yqpal etip, otbasylyq paket ashýǵa kómektesken operator-keńesshi Aqnur Ablaevna – óz isiniń mamany. Uzaq jyl boıy Mádenıet aýylynda poshta bólimshesiniń meńgerýshisi bolyp eńbek etip júrgen ol jyl basynda «Otbasy bank» AQ operator-keńesshi retinde de jumysyn jalǵastyrdy. Osylaısha, «Poshtashy» jobasynyń aıasynda qos qyzmetti qatarynan sátti atqaryp keledi.
«Aýyldastarym meni poshtashy retinde biledi. Jyl basynda «Otbasy bank» pen «Qazposhtanyń» birlesken jobasy – «Poshtashy» bastalǵan soń jergilikti jurtshylyqqa qarjylaı keńes qyzmetin kórsetýge de kóshtim. Iаǵnı endi men aýyldaǵy aǵaıynǵa tek hat-habar jetkizýde emes, qarjylyq máselelerdi sheshýde de kómektese alamyn. Bul rette bizdiń basty mıssııamyz – depozıtter ashyp, ony tolyqtyrýǵa kómektesý, keńes berý, ıpotekalyq nesıe rásimdeýde baǵyt-baǵdar kórsetý», deıdi bilikti maman.
Búginde Mádenıet aýylynda 2 myńǵa jýyq adam turady. Olardyń basym bóligi osy ýaqytqa deıin «Otbasy bankte» depozıttik shot ashyp, keıbiri baspanaly bolyp ta úlgergen eken. «Poshtashy» jobasy aıasynda Aqnur Ablaıqyzy taǵy 30-ǵa jýyq adamǵa depozıttiń jaı-japsaryn túsindirip, basym tustaryn aıtyp, shot ashýyna qolushyn sozdy.
«Men poshtashy retinde qyzmet kórsetýmen qatar, operator-keńesshi retinde turǵyndardyń qarjylyq saýattylyǵynyń artýyna, qarajat jınaý mádenıetin qalyptastyrýyna yqpal ete alatynym úshin qýanyshtymyn. Bul óz kezeginde aýyldastarymnyń bolashaqqa degen senimin nyǵaıtyp, olardyń arman-maqsattarynyń júzege asýyna oń áser beredi dep oılaımyn. Bizdiń bul baǵyttaǵy eńbegimiz esh ketip jatqan joq. Baspanaly bolýdyń alǵashqy qazyǵy qaǵylyp jatyr. Sonymen qatar osy baǵyttaǵy jumysymyz «Otbasy bank» tarapynan baǵalanady. Ár ashylǵan, tolyqtyrylǵan depozıt, rásimdelgen nesıe úshin bonýstar men syıaqylar qarastyrylǵan. Mundaı yntalandyrý bizdiń klıenttermen jumys isteýge degen nıetimizdi arttyryp, jigerlendire túsedi. О́zimizdi ózgeshe baǵytta synap kórýge, jańa baǵytty tanýǵa kómektesedi. Banktik qyzmet kórsetý boıynsha bilimimizdi tolyqtyryp, biliktiligimizdi jetildirýge de múmkindik bar. Bul rette «Otbasy banktiń» negizgi qyzmetkerleri tájirıbesimen bólisip, bilmegenimizdi úıretip otyrady», deıdi Aqnur Ablaıqyzy.
Baıqaǵanymyzdaı, «Poshtashy» jobasynyń bereri mol. Ol elimizdiń shalǵaıdaǵy aýyldarynyń turǵyndaryna depozıttik shottyń mańyzdylyǵyn kórsetip, banktik qyzmetter alýdaǵy ýaqytty aıtarlyqtaı únemdeıdi. Aqnur Ablaıqyzy atap ótkendeı, bul baǵyttaǵy jumys jurtshylyqtyń qarjylyq saýattylyǵyn arttyryp, tabysyn tirnektep jınap, baspanaly bolýyna kómektesedi. Sondyqtan atalǵan jobany osy jyldyń mańyzdy ári nátıjeli bastamasy dep aıtýǵa tolyq negiz bar. Oǵan poshta bólimshesine aı saıyn kelip nemese mobıldi qosymshany paıdalanyp, depozıttik shotty belgili bir somaǵa toltyrýdy ıgi dástúrge aınaldyrǵan azamattar da aıǵaq bola alady.
