Fotolar: drive.google.com/drive/folders/
Is-sharaǵa Parlament depýtattary, birqatar mınıstrlikterdiń jáne sheteldik kompanııalardyń ókilderi, ekologııa jáne tabıǵatty qorǵaý uıymdarynyń mamandary, fotograftar, BAQ ókilderi jınaldy.
Fotoalbom – Jaıyq ózeni alabynyń ekologııalyq júıesin, tabıǵatyn, jan-janýarlar dúnıesin qalyń jurtqa tanystyrýdy maqsat etken. Soǵan oraı, albomda otandyq jáne sheteldik fotograftar tabıǵat aıasynda túsirgen (sútqorektiler, qustar, qosmekendiler, jorǵalaýshylar t.b.) fotolary berilgen jáne jalpy túrler boıynsha ǵylymı-tanymdyq aqparat usynylǵan. Aýdıtorııany keńeıtý maqsatynda kitap – qazaq, orys, aǵylshyn tilderinde daıyndalǵan.
Fotoalbomdy qurastyrý barysynda «Kaspıı Qubyr Konsorsıýmy-Q» kompanııasynyń qoldaýymen Jaıyqqa 2019 jyly jasalǵan ekspedısııada jınaqtalǵan materıaldar da paıdalanylǵan. Atalǵan ekspedısııada birqatar sheteldik ǵalymdar men fotograftar tize qosyp, óńirdiń ekojúıesin zerttegen edi. Ekspedısııa qorytyndysy boıynsha Atyraý qalasynda fotokórme uıymdastyrylyp, ol jurtshylyq tarapynan zor qyzyǵýshylyq týdyrǵan. Sol kórmede usynylǵan keıbir fotosýretter osy fotoalbomǵa da engizilgenin atap ketken jón. Kitapqa sondaı-aq bıyl bolǵan sý tasqynynyń saldaryn kórsetetin derekti fotolar da qosylǵan.
«Oral-Jaıyq – eń uzyn transshekaralyq ózenderdiń biri, úlkendigi jaǵynan Eýropadaǵy úshinshi ózen. Uzyndyǵy 2500 km bolatyn osy mańyzdy ózen eki eldiń dánekeri ispetti. Bastaýyn Reseıden alatyn Oral-Jaıyq ózeni tirshilik nárin QR-nyń aýmaǵy arqyly Kaspııge deıin jetkizedi. Bul – úlken ári kúrdeli ekojúıe, onyń tabıǵı baılyǵy – tushy sýy, florasy men faýnasy Reseı men Qazaqstannyń ulttyq baılyǵy sanalady», dep jazǵan Kaspıı Qubyr Konsorsıýmynyń Bas dırektory Nıkolaı Gorban oqyrmanǵa arnaǵan alǵysózinde.
Al, «KQK-Q» AQ Bas dırektorynyń Qazaqstan Úkimetimen baılanys jónindegi orynbasary Qaıyrgeldi Qabyldın:
«Jańa fotoalbom tabıǵat janashyrlary men týǵan ólkemiz týraly kóbirek bilgisi keletin kez kelgen adamǵa paıdaly ári mańyzdy resýrs bolatynyna senimdimin. Kitap tırajy «KQK-Q» AQ-tyń qubyr jelisi ótetin óńirlerdi qoldaý jónindegi qaıyrymdylyq baǵdarlamasy aıasynda Qazaqstan men Reseıdiń bilim berý mekemeleri men qoǵamdyq kitaphanalaryna taratylatyn bolady», dep atap ótti.
Uıymdastyrýshylar men joba avtorlary jalpy fotoalbom men 2019 jylǵy ekspedısııa týraly áńgimeledi. Ekspedısııaǵa qatysqan ǵalymdar men fotograftar ekspedsııa kezindegi qyzyqty jaıttardy eske alyp, Jaıyq ózeniniń elimiz ben jalpy álemdegi mán-mańyzy, ekologııalyq ahýaly týrasynda sóz qozǵady.
AQJAIYQ – «KQK-Q» AQ demeýshiligimen jaryq kórgen ǵylymı-tanymdyq kitaptar serııasynyń ekinshi basylymy. Buǵan deıin AQBÓKEN Saiga tatarica dep atalǵan ǵylymı-tanymdyq fotoalbomnyń jaryqqa shyǵýyna demeýshilik etkeni belgili. Bul kitap qazaq halqy kıeli janýar sanaıtyn aqbókenge arnalyp, Kaspıı Qubyr Konsorsıýmy da ózindik eleýli úlesin qosqan kıik popýlıasııasyn saqtaý jáne kóbeıtý bańdarlamasynyń bir bólshegine aınaldy. Kópshiliktiń qyzyǵýshylyǵyn týdyrǵan bul kitaptyń da tırajy elimizdiń mektep kitaphanalary men qoǵamdyq kitaphanalaryna berildi.
Aıta ketsek, Jaıyq – elimizdiń ekonomıkasy men ekologııasynda aıryqsha orny bar eń iri sý resýrstarynyń biri. Bastaýyn Reseı jerinen alyp, Bashqurtstandy, Chelıabi, Orynbor óńirlerin jáne elimizdiń Batys Qazaqstan, Atyraý oblystaryn kókteı ótetin ózenniń jalpy uzyndyǵy 2534 shaqyrymnan assa, al Qazaqstandaǵy bóligi 1000 shaqyrymnan asady.
