Zertteýshiler bul ekologııalyq janarmaıdy hımııalyq jolmen qaıta óńdep, jasap shyǵarǵan. Jańalyqtyń artyqshylyǵy dástúrli reaktıvti otynǵa qaraǵanda, aýaǵa kómirqyshqyl gazy 80%-ǵa az shyǵady. Mamandardyń aıtýynsha, ony qoldaný úshin ushaqty da, onyń qozǵaltqyshyn da jańǵyrtýdyń qajeti joq. Tipti munaıdan óndirilgen otynmen aralastyrýǵa bolady. Alǵashqy synaq sátti ótip, qazir 12 áýe reısi osy janarmaıdy qoldanyp júr. Biraq quny ázirge reaktıvti otynnan 5 ese qymbat.
Eń kóne lotereıa
Ispanııada áıgili «El Gordo» atty rojdestvolyq lotereıa utysy ótti. Bıyl júlde qory 2 mlrd 700 mln eýro. Al satylǵan bılet sany 193 mıllıon.
Bul lotereıa 1812 jyldan beri ótkizilip keledi. Sondyqtan atalǵan utys oıyny ıspan halqy úshin dástúrge aınalǵan mereke ispetti. Osy kezde elge týrıster aǵylyp, memleket ekonomıkasy da qarjyǵa qaryq bolatyn kórinedi.
Júlde somasy – 20-dan 400 myń eýroǵa deıin. 40 myń eýrodan asatyn utysqa 20% salyq salynady.
Tık-Tokqa tyıym
Albanııa bıligi Tık-Tok jelisin qoldanýǵa tyıym saldy. Tıisti sheshim keler jyldyń basynda kúshine enedi.
О́tken aıda mekteptegi tártipsizdikten keıin bul másele qyzý talqylandy. Esterińizge sala keteıik, Tık-Tok arqyly oqýshylar janjaldasyp, onyń arty mekteptegi tóbeleske ulasqan edi. Sonyń saldarynan 14 jastaǵy jetkinshek kóz jumǵan. Osydan keıin jergilikti bılik Tık-Tok qosymshasyn paıdalanýǵa tyıym salatyn zań jobasyn qabyldady.
