QOSTANAI. 4 qańtar. Qostanaıǵa Premer-mınıstrdiń orynbasary Berdibek Saparbaev bastaǵan, quramynda birqatar mınıstrlikter men ulttyq kompanııalar ókilderi bar delegasııa keldi. Bul týraly egemen.kz tilshisi habarlady.
Bul sapar jahandy bir tarynyń qaýyzyna syıdyryp turǵan ekonomıkalyq-qarjy daǵdarysynyń elge zardaby bolmaýy úshin aldyn alý jumystarynyń bir mysaly edi. Daǵdarys jalpy elimizdegi ekonomıkalyq-áleýmettik jaǵdaıdy turalatyp jibermegenimen, kórshi Reseı rýbliniń qunsyzdanýy qostanaılyq kásiporyndar jumysyna birden áser etti. Mysaly, Úkimet delegasııasy men jergilikti kásiporyn basshylarynyń kezdesýi, memorandýmǵa qol qoıý rásimi ótken «AgromashHoldıng» aksıonerlik qoǵamynyń jumysyna daǵdarys qazirdiń ózinde salqynyn tıgizip otyr. Qazaqstanda mashına jasaý salasynyń damýyna zor úles qosyp otyrǵan «AgromashHoldıng» zaýyty sheteldik jeńil avtomobılder men aýylsharýashylyǵy tehnıkalarynyń túr-túrin óndiredi. Keńeste osy kompanııanyń basqarma tóraǵasy Alekseı Sırodenko aıtqandaı, «AgromashHoldıng» aksıonerlik qoǵamy ótken jyly 8,5 myń mashınany sapqa qoıǵan. Bul 2013 jylmen salystyrǵanda 20 paıyzǵa artyq bolatyn. Kásiporyn bıyl da 20 myń mashınany shyǵarýdy josparlaǵan edi. Alaıda, «úıdegi oıdy bazardaǵy naryq buzyp», daǵdarys talma jerden tıip otyr. Reseı rýbli qunsyzdanǵan az ǵana ýaqyttan beri qazaqstandyqtar kórshi elden 40 myńnan asa magshına ákeldi. Árıne, bul otandyq mashına jasaý kásipornynyń jumysyna birden keri áserin tıgizdi. Bul jaǵdaı búginde tek «AgromashHoldıngtiń» ǵana emes, ónim óndiretin kásiporyndardyń barlyǵynyń basynda bar.
– Álemniń kóp elin sharpyp otyrǵan daǵdarysqa tótep berý úshin Elbasy Nursultan Nazarbaev birqatar talap qoıyp, tapsyrmalar berip otyr. Sonyń eń bastysy halyqqa jumys berý, jumyssyzdar sanyn kóbeıtpeý, áleýmettik jaǵdaıdyń tómendeýine jol bermeý bolyp tabylady. Elimizde 8 memlekettik baǵdarlama jumys istep jatyr, solardyń arqasynda 400 myńǵa jýyq jumys orny ashylýy tıis. Munyń barlyǵy ishki múmkindikterimizdi paıdalanǵanda júzege asady, – dedi Berdibek Saparbaev.
Damý bolmasa daǵdarys meńdeı beredi. Bul oraıda Qostanaı oblysynda kóńilge qonymdy jumystar bar. О́tken jyly shaǵyn jáne orta bıznes bıýdjetke 22,8 mıllıard teńge qarjy quıdy. Sońǵy jyldary óndiristiń qadamy qaryshty boldy. Bir «SaryArqaAvtoProm» zaýytyniń ózi jyl táýliginde óndiris kólemin 5 ese arttyrdy. «Evrazkaspıanstal» zaýytynyń shyǵarǵan metall armatýralary otandyq qurylystyń damýyna múmkindik jasaıdy. Osyndaı mysaldar jetkilikti. Alaıda, daǵdarys kezinde óndirgen ónimiń ótpese, ol da kásiporyndar qadamyn tusaıdy. Sondyqtan Berdibek Máshbekuly Qazaqstannyń kórshi oblystary arasyndaǵy alys-beristi keńeıtý kerektigin aıtty. Ádette, bir oblys ekinshisinde qandaı taýarlar óndiretinine asa mán bermeıdi. Bul jóninen Qostanaı oblysy maqtana almaıdy, elimizdiń oblystaryna qaraǵanda irgedegi Reseıdiń Chelıabi oblysymen qarym-qatynasy kóp.
Berdibek Saparbaev eńbekaqy qaryzyn kópke uzatpaýdy oblys ákimi Nuraly Sádýaqasovqa jiti tapsyrdy. Oblysta ol qazir 55 mıllıon teńgeni qurap otyr. Keńes sońynda Qostanaı oblysynyń ákimdigi, kásipodaqtardyń oblystyq keńesi jáne kásiporyndar basshylary arasynda jumysshylardyń eńbek quqyǵy men kepildikterin qamtamasyz etý jóninde ózara túsinisýshilik pen yntymaqtastyq týraly memorandýmǵa qol qoıyldy. Oblys ákimi Nuraly Sádýaqasovpen memoarndýmǵa qol qoıǵandar arasynda «Qazaqtelekom», «SSKBО́B», «Orıon Mınerals», «Baıan Sulý», «Agromashholdıng», «Qostanaı mıneraldary», «Araı Holdıng», «Alıýmınstroı», «Qostanaı un kombınaty» jáne óńirodegi iri kásiporyndar basshylar bar. Sondaı-aq, oblystyń jáne respýblıkanyń júıe quraýshy kásiporyndarynyń, ulttyq kompanııalardyń arasynda qazaqstandyq qamtýdy oryndaý jáne otandyq taýar óndirýshilerdi qoldaý jóninde yntymaqtastyq týraly memorandýmdarǵa da qol qoıyldy. Aldaǵy ýaqytta osyndaı taǵy da 30 memorandým bekitiledi, olardyń somasy 18 mıllıard teńgeni quraıdy.
Názıra Járimbetova.
Derek, sýret: egemen.kz.
QOSTANAI. 4 qańtar. Qostanaıǵa Premer-mınıstrdiń orynbasary Berdibek Saparbaev bastaǵan, quramynda birqatar mınıstrlikter men ulttyq kompanııalar ókilderi bar delegasııa keldi. Bul týraly egemen.kz tilshisi habarlady.
Bul sapar jahandy bir tarynyń qaýyzyna syıdyryp turǵan ekonomıkalyq-qarjy daǵdarysynyń elge zardaby bolmaýy úshin aldyn alý jumystarynyń bir mysaly edi. Daǵdarys jalpy elimizdegi ekonomıkalyq-áleýmettik jaǵdaıdy turalatyp jibermegenimen, kórshi Reseı rýbliniń qunsyzdanýy qostanaılyq kásiporyndar jumysyna birden áser etti. Mysaly, Úkimet delegasııasy men jergilikti kásiporyn basshylarynyń kezdesýi, memorandýmǵa qol qoıý rásimi ótken «AgromashHoldıng» aksıonerlik qoǵamynyń jumysyna daǵdarys qazirdiń ózinde salqynyn tıgizip otyr. Qazaqstanda mashına jasaý salasynyń damýyna zor úles qosyp otyrǵan «AgromashHoldıng» zaýyty sheteldik jeńil avtomobılder men aýylsharýashylyǵy tehnıkalarynyń túr-túrin óndiredi. Keńeste osy kompanııanyń basqarma tóraǵasy Alekseı Sırodenko aıtqandaı, «AgromashHoldıng» aksıonerlik qoǵamy ótken jyly 8,5 myń mashınany sapqa qoıǵan. Bul 2013 jylmen salystyrǵanda 20 paıyzǵa artyq bolatyn. Kásiporyn bıyl da 20 myń mashınany shyǵarýdy josparlaǵan edi. Alaıda, «úıdegi oıdy bazardaǵy naryq buzyp», daǵdarys talma jerden tıip otyr. Reseı rýbli qunsyzdanǵan az ǵana ýaqyttan beri qazaqstandyqtar kórshi elden 40 myńnan asa magshına ákeldi. Árıne, bul otandyq mashına jasaý kásipornynyń jumysyna birden keri áserin tıgizdi. Bul jaǵdaı búginde tek «AgromashHoldıngtiń» ǵana emes, ónim óndiretin kásiporyndardyń barlyǵynyń basynda bar.
– Álemniń kóp elin sharpyp otyrǵan daǵdarysqa tótep berý úshin Elbasy Nursultan Nazarbaev birqatar talap qoıyp, tapsyrmalar berip otyr. Sonyń eń bastysy halyqqa jumys berý, jumyssyzdar sanyn kóbeıtpeý, áleýmettik jaǵdaıdyń tómendeýine jol bermeý bolyp tabylady. Elimizde 8 memlekettik baǵdarlama jumys istep jatyr, solardyń arqasynda 400 myńǵa jýyq jumys orny ashylýy tıis. Munyń barlyǵy ishki múmkindikterimizdi paıdalanǵanda júzege asady, – dedi Berdibek Saparbaev.
Damý bolmasa daǵdarys meńdeı beredi. Bul oraıda Qostanaı oblysynda kóńilge qonymdy jumystar bar. О́tken jyly shaǵyn jáne orta bıznes bıýdjetke 22,8 mıllıard teńge qarjy quıdy. Sońǵy jyldary óndiristiń qadamy qaryshty boldy. Bir «SaryArqaAvtoProm» zaýytyniń ózi jyl táýliginde óndiris kólemin 5 ese arttyrdy. «Evrazkaspıanstal» zaýytynyń shyǵarǵan metall armatýralary otandyq qurylystyń damýyna múmkindik jasaıdy. Osyndaı mysaldar jetkilikti. Alaıda, daǵdarys kezinde óndirgen ónimiń ótpese, ol da kásiporyndar qadamyn tusaıdy. Sondyqtan Berdibek Máshbekuly Qazaqstannyń kórshi oblystary arasyndaǵy alys-beristi keńeıtý kerektigin aıtty. Ádette, bir oblys ekinshisinde qandaı taýarlar óndiretinine asa mán bermeıdi. Bul jóninen Qostanaı oblysy maqtana almaıdy, elimizdiń oblystaryna qaraǵanda irgedegi Reseıdiń Chelıabi oblysymen qarym-qatynasy kóp.
Berdibek Saparbaev eńbekaqy qaryzyn kópke uzatpaýdy oblys ákimi Nuraly Sádýaqasovqa jiti tapsyrdy. Oblysta ol qazir 55 mıllıon teńgeni qurap otyr. Keńes sońynda Qostanaı oblysynyń ákimdigi, kásipodaqtardyń oblystyq keńesi jáne kásiporyndar basshylary arasynda jumysshylardyń eńbek quqyǵy men kepildikterin qamtamasyz etý jóninde ózara túsinisýshilik pen yntymaqtastyq týraly memorandýmǵa qol qoıyldy. Oblys ákimi Nuraly Sádýaqasovpen memoarndýmǵa qol qoıǵandar arasynda «Qazaqtelekom», «SSKBО́B», «Orıon Mınerals», «Baıan Sulý», «Agromashholdıng», «Qostanaı mıneraldary», «Araı Holdıng», «Alıýmınstroı», «Qostanaı un kombınaty» jáne óńirodegi iri kásiporyndar basshylar bar. Sondaı-aq, oblystyń jáne respýblıkanyń júıe quraýshy kásiporyndarynyń, ulttyq kompanııalardyń arasynda qazaqstandyq qamtýdy oryndaý jáne otandyq taýar óndirýshilerdi qoldaý jóninde yntymaqtastyq týraly memorandýmdarǵa da qol qoıyldy. Aldaǵy ýaqytta osyndaı taǵy da 30 memorandým bekitiledi, olardyń somasy 18 mıllıard teńgeni quraıdy.
Názıra Járimbetova.
Derek, sýret: egemen.kz.
