ATYRAÝ. 4 aqpan. H.Dosmuhamedov atyndaǵy Atyraý memlekettik ýnıversıtetinde Qazaqstan halqy Assambleıasy ınstıtýty jumysyn bastady. Bul týraly egemen.kz tilshisi habarlady.
Ýnıversıtet rektory, professor Beıbit Mamraevtyń aıtýynsha, bul saıası qurylymnyń basty maqsaty – oblystaǵy barlyq etnos ókilderin ortaq maqsatqa jumyldyra otyryp, elimizdegi turaqtylyqty saqtaý men táýelsiz qarqyndy damýyna aıtýly úles qosý. Stýdentterge Qazaqstandaǵy túrli etnostardyń mádenıeti men tili, dástúri men azamattyq biregeıligi de keńinen nasıhattalady.
Qazir Atyraý oblysynda 17 etnomádenı birlestik qurylyp, ultaralyq tatýlyqty nyǵaıtýǵa ózindik úlesin qosyp keledi. Al H.Dosmuhamedov atyndaǵy Atyraý memlekettik ýnıversıtetinde 16 ulttyń ókili bilim alady.
«Endi bul saıası ınstıtýt etnosaralyq kelisimdi jáne toleranttylyqty odan ári nyǵaıtý úshin qolaıly jaǵdaılar jasaıtyn, etnomádenı birlestikterdiń kúsh-jigerin biriktirýdi kózdeıtin, sonymen birge, túrli áleýmettik zertteýler jasaıtyn ortalyqqa aınalady», dedi ýnıversıteti rektory, professor Beıbit Mamraev.
Joldasbek Shópeǵul.
Derek:egemen.kz.
Sýret: Rahym Qoılybaev.
