Foto:primeminister.kz
Qutqarý qyzmetteri izdestirý jumystaryn aıaqtaǵany habarlandy. Qaıǵyly oqıǵadan 38 adam ajal qushty, 29 adam aýrýhanaǵa jetkizildi. Barlyq zardap shekkender tekserilip, qajetti kómek kórsetildi.
Osy oraıda Oljas Bektenov avıasııalyq qaýipsizdikti kúsheıtý boıynsha birqatar tapsyrma júktedi.
«Bul qaıǵyly oqıǵa bizge de ushý qaýipsizdigi boıynsha belgili bir sharalar qabyldaý kerektigin kórsetedi. Eń aldymen, jospardan tys tekserý júrgizip, áýejaılar men áýe kemeleriniń tehnıkalyq jaı-kúıin erekshe baqylaýǵa alý qajet. О́tkiziletin is-sharalar sheńberinde bizdiń avıakompanııalardyń áýe kemeleri ekıpajdarynyń biliktiligin, ruqsatyn jáne quzyrettiligin eki ret tekserý qajet. Áýe oqıǵalaryna jedel den qoıý maqsatynda avarııalyq-qutqarý jumystarynyń tetigin jetildirý jáne múddeli memlekettik organdardyń úılestirilgen jumysyn qamtamasyz etý qajet. Bul jaǵdaıdan bolashaqta buǵan jol bermeý úshin naqty usynystar jasaı otyryp durys qorytyndy jasaý kerek», dedi Premer-mınıstr.
Esterińizge sala keteıik, 25 jeltoqsan kúni jergilikti ýaqyt boıynsha saǵat 11:30-da Bakýden (Ázerbaıjan) Groznyıǵa (Reseı) ushqan Ázerbaıjan áýe joldarynyń ushaǵy Aqtaýdan úsh shaqyrym jerde apatqa ushyrady. Jolaýshylar ushaǵy qalyń tuman saldarynan Groznyıǵa qona almaı, áýeli Mahachkalaǵa, keıin Aqtaýǵa baǵyt alǵan edi.
