Almatyda soltústikqazaqstandyq kınorejısserge kóshe aty berildi

PETROPAVL. 4 aqpan. Aqbas Alataý baýraıynda ornalasqan shyraıly shahardaǵy kóshelerdiń biri endi Soltústik Qazaqstan oblysy Esil aýdany Qaratal aýylynyń týmasy, daryndy kınorejısser Aıaǵan Shájimbaevtyń esimimen atalatyn boldy. Bul týraly egemen.kz tilshisi habarlady. Halyqaralyq «Qazaq tili» qoǵamynyń oblystyq fılıaly Almaty qalasy ákimi Ahmetjan Esimovtiń atyna hat joldap, táýelsiz Qazaqstannyń kıno ónerinde ózindik qoltańbamen aıshyqtalǵan belgili kınorejısser, qarymdy jýrnalıst Aıaǵan Shájimbaıdyń esimin ońtústik astananyń bir kóshesine berý týraly usynys bildirgen bolatyn. Almaty qalasy tilderdi damytý, muraǵattar jáne qujattama basqarmasynyń basshysy Mamaı Ahetov qol qoıǵan resmı jaýap hat «42 jasynda juldyzdaı aǵyp ótse de, artyna mol mura qaldyrǵan baýyrymnyń atyn almatylyqtardyń ulyqtaǵanyna shyn qýanyshtymyz», dep bastalypty. Hatta Alataý aýdanyndaǵy «Aqbulaq» shaǵynaýdanyndaǵy bir kóshege esimi berilgendigi habarlanypty. Sondaı-aq, Aıaǵan turǵan úıdiń qabyrǵasyna eskertkish taqta ornatý máselesiniń oń sheshiletini de aıtylǵan, deıdi Shájimbaevtar otbasynyń tuńǵyshy Qudaıbergen Qýandyquly. О́mir Esqalı.          Derek: egemen.kz. Sýret: thenwes.kz.