Áýejaıdyń resmı Telegram-arnasynda vıdeo jarııalandy. Kadrlarda áýejaı ǵımaratyndaǵy adamdardyń qurmet, qaıǵy jáne kóńil aıtý belgisi retinde bastaryn ıgeni kórsetilgen.
«Baký-Groznyı J2-8243 reısindegi qaıǵyly oqıǵa saldarynan qaza tapqandardy Geıdar Álıev atyndaǵy halyqaralyq áýejaıda bir mınýt únsizdikpen eske aldy», delingen vıdeonyń astynda.
Ázerbaıjan áýe joldary da memorıal alańynan fotosýrettermen bólisti. Jarııalanǵan kadrlarda memorıaldyq stendke gúl shoqtaryn ákelip, qaıǵyly oqıǵa qurbandaryn eske alyp jatqanyn kórýge bolady.
«Biz Embraer 190 ushaǵynyń apatynda joǵaltqan qymbatty adamdardy eshqashan umytpaımyz. Baký áýejaıynyń 2-termınalynyń ońtústik kireberisinde ornatylǵan bul ǵımarat kelýshilerdi shyn júrekten duǵa, estelikter men qurmetpen bólisýge shaqyratyn tereń maǵynaǵa ıe», delingen habarlamada.
Aıta keteıik, búgin Ázerbaıjanda 25 jeltoqsanda Aqtaýda apatqa ushyraǵan Embraer 190 jolaýshylar ushaǵynyń qurbandaryn eske alý úshin Aza tutý kúni jarııalandy.
