Zardap shekkenderdi shyǵaryp salýǵa Mańǵystaý oblysy ákiminiń orynbasary Tilegen Ábishev, Aqtaý qalasynyń ákimi Ábilqaıyr Baıpaqov, Qazaqstan halqy Assambleıasynyń músheleri, el aqsaqaldary, jastar jáne qoǵam ókilderi qatysty.
Mańǵystaýlyqtar baýyrlas elge jyly tilekterin bildirip, qoldaý bildirdi.
Qazirgi tańda Mańǵystaý oblystyq kópbeıindi aýrýhanasynda 6 naýqas em alyp jatyr, onyń ishinde 4 adamnyń jaǵdaıy aýyr, 2 adamnyń jaǵdaıy ortasha. Jaraqat alǵandar barlyq qajetti medısınalyq kómekpen qamtylǵan.
Aıta keteıik, apat sebebin anyqtaý maqsatynda Aqtaýda vıse-premer Qanat Bozymbaevtyń basqarýymen Úkimettik komıssııa jumys istep jatyr.
Mańǵystaý oblysynyń ákimi Nurdáýlet Qılybaı zardap shekkenderge memleket tarapynan barlyq qajetti qoldaý kórsetilip jatqanyn atap ótti.
