Soltústik Qazaqstanda úshjaqty kelisimge qol qoıyldy

PETROPAVL. 4 aqpan. Eńbek adamynyń quqyqtaryn qorǵap, áleýmettik jaǵdaılaryn jaqsartýdy ditteıtin úshjaqty kelisim Soltústik Qazaqstan oblystyq ákimdik, kásipodaq jáne kásipkerler palatasy arasynda jasaldy. Bul týraly oblystyq ákimdiktiń baspasóz qyzmeti habarlady. Jıyndy ashqan aımaq basshysy Erik Sultanov Elbasy «Nurly Jol – bolashaqqa bastar jol» Joldaýynda: «Beıbitshilik – ol turaqty jumys, jalaqy jáne erteńgi kúnge senim», – dep atap kórsetkenin jetkize kelip, tyń oılar men kóterilgen bastamalarǵa jan-jaqty qoldaý jasalatynyn qadap aıtty. Byltyr kásiporyndar jáne uıymdar 1 539 memorandým men 3 634 ujymdyq shart jasasqan. Bıyl 31 myńnana astam adamdy qamtıtyn 747 kásiporynmen memorandýmǵa qol qoıylǵan. Bul joly eńbek qatynastaryndaǵy áleýmettik turaqtylyqty saqtaý jáne keleńsiz jaǵdaılardyń aldyn alý maqsatymen oblystyq ákimdik, kásipodaq jáne kásipkerler palatasy arasynda 2015-2017 jyldarǵa arnalǵan kelisimge qol qoıyldy. Kelisim aıasynda eńbekaqyny kóterý máselesine úlken kóńil bólinetin bolady. О́mir Esqalı. Derek: Soltústik Qazaqstan oblystyq ákimdiginiń baspasóz qyzmeti. Sýret: soltustikkaz.kz.