Kókshetaý qalasy ákimdiginiń 2019 jylǵy 28 tamyzdaǵy qaýlysyna jáne qalalyq máslıhattyń sheshimine tolyqtyrý engizildi. Jańa qujatqa sáıkes oblys ortalyǵynda turatyn zeınetkerler osyndaı jeńildikke ıe bolyp otyr.
– Kókshetaý qalasynda 28 myńnan artyq egde adamdar turady. Zeınetkerlerdiń kóbiniń baratyn jeri emhana men aýrýhana, – deıdi qalalyq ardagerler keńesiniń tóraǵasy Shııap Álıev. – Bul qamqorlyqty aǵa býyn óte jaqsy qabyldady. Qoldan kelip jatsa zamanynda el ıgiligin eselep, arttyrýǵa qısapsyz eńbek etken aǵa býyndy qoltyqtarynan demep, kómek kórsetkenge ne jetsin.
Qala ákimdiginiń qaýlysy men máslıhattyń sheshimi 1 qańtardan bastap qoldanysqa engiziledi.
– Astana qalasynyń turǵyndary osyndaı jaqsylyqty kórip otyrǵandaryna birneshe jyl boldy dep estidik. Endi bizdiń jerlesterimiz de osyndaı ıgilikke ıe bolady, – dedi qala turǵyny Esenbaı Kereev.
Kókshetaý qalasy
