foto: TJM
Brazılııa áskerı áýe kúshteriniń tergeýshileri Embraer 190 ushaǵynyń apatqa ushyraýyna qatysty Qazaqstan bıliginiń júrgizip jatqan tergeýine tehnıkalyq qoldaý kórsetpek.
25 jeltoqsanda «Az Airlines» avıakompanııasy ushaǵynyń apatqa ushyraý faktisi boıynsha «QR QK eki nemese odan da kóp adamnyń abaısyzda ólimine ákep soqqan kólik quralyn paıdalaný kezindegi qaýipsizdik erejelerin buzý» babymen sotqa deıingi tergep-tekserý amaldary bastalǵany habarlanǵan edi.
Eske sala keteıik, 25 jeltoqsan kúni Aqtaýda Bakýden Groznyıǵa baǵyt alǵan Ázerbaıjan áýe kompanııasyna tıesili ushaq apatqa ushyrap, 38 adam qaza tapty. Onyń ishinde Qazaqstannyń 6 azamaty bar.
